Popular Bible Verses from HINWƆ HI MITS YOHANA 19

Share

Yɛwɛ dag hato, kpoos wɛ kpɛ̧ɛ̧ge, yɛwɛ tɔɔs nuŋgɔ! Ya̧a̧nɛ, Tamwaa bɔ lootinsnaabɔ ɔ̧t tuurɔ. Nis gbaag bɔ gɛms muulɔ da̧a̧da̧.

Gin nuŋg-bi̧i̧k a gbandilɔ bɔ gi muulɛ hi a gi dɔɔnaa muulɛ: a waar ɛ Waar yɔ, ɗɛntɛ Ɗɛntyɔ.

Yɔ anbɔ, mi gbɛn bɛtha kpɛ̧ɛ̧rɔ, mi wɛɛ mi gbɛn dɔy zaa buu midza. Za̧a̧n bɔ kar hage nuŋgɔ Doo Woosfɔkya hi Doo Rɔbo; gɔ gbaa dɔglɛ, wɛɛ gɔ nɔk hi gbɔnɔ.

Lɔlɔ wɔ hi kabzig du an laazebti, wɛɛ gin waar ums kal gi zul ha kittɔnɔ; gin nuŋg za bi̧i̧k a gi muulɛ, doo za mɛɛ gɛ, gɛ giya. Heg gbandil hob yɔ bɔɔy a ga̧a̧m du, wɛɛ gɔ hi el nuŋgɔ bɔ: a Bɛt Dɔglɛ.

Daŋbɛsim lɔmnt tuuz a gi ya̧a̧ du an gi gbɔmn dood waaldu. Gi wɛɛ waar hi zulha gi kaŋkinihi sɔɔltusɛ. Gii gi ɓɔ̧ɔ̧ bumhob a Bɛt Tɛŋkya-Sɛw nɔɔtigɔ a gabs wɔd hinɓɔ̧ɔ̧nikya bɔ gedu.

Hi wa̧a̧ namhɛtum ha̧a̧l bɔ hi Bɛtya̧a̧kɛŋkya ya̧a̧gɔ̧ɔ̧nya bɔ gi gɔk nɛ gɛrs a gi muutdu gi maatingo dood wɔ hi gin nambhɛtum nuŋgɔ muulɛ, hi wɔ hi ɗɔbsig muulɔ bɔ hi wɔmɔ. Hi gbal nambhɛtum ha̧a̧l bɔ hi bɛtya̧a̧kɛŋkya ya̧a̧-gɔ̧ɔ̧nya bɔ za̧a̧til a laazɛŋk ha̧a̧l bɔ gi uuk-uus hob gedu hi eer sɛw.