Popular Bible Verses from HINWƆ HI MITS YOHANA 2

Share

Yɛrɛ hinyɔ bɛsib a mɔɔge gɛ, ha̧a̧kyɔ ha̧a̧m doos be muulɛ mɔ biisɔ.

Mɔkum mɔ mɛɛ lɛlyɔ mɔ madz gedu. Dɛmnaanɛ, mɔ ɔɔ hinha̧a̧l mɔ, wɛɛm mɔ woo an da doosɛ. Gid mɔ dɛmnaan gɛ, mɔ ɔɔ hinha̧a̧l mɔ gɛ, bé zaa a mɔɔge bé ha̧s laa- gbaaklɛl mɔ bɔ a lɛlyɔ gi ge.

Bɔ hoob gi ha̧a̧mɔ a hinyɔ gɔ mɔ ha̧a̧ya̧a̧r ɓɔriɓɔri gedu. Mɛɛnɛ a wag kaasi loorɛha̧a̧l gi gbalik dood zaadɛ nɛ tees du a luknɔ du an gi maatinɛ, wɛɛ nɛ ha̧a̧ya̧a̧r ɔ̧t kooblɛ. Ɗɔbsum hi tɛŋko gi tuur a wɔrk mɔ ɔ̧ti, be gaam za̧a̧tig waar ums kalɛ.

An za̧a̧nyɔ gin tɔnɛ gi kɛm hinyɔ Bɛt Mɔkilɔ gi dɔksig fɔkbeya wɔ hi mɔksig lɛl sɔmsɔm: a za̧a̧nyɔ gɔ gi ɗɛɛ waalɛ be gaag tɛŋk an gi le tɛ̧ɛ̧ za̧a̧tigya bɔ humlɔ gi a Bɛt bak du.

a be mɛɛ woos mɔ wɔ hi mɔɔt mɔ hi hinmɔŋk yɔ mɔ waak mɔŋko. Be mɛɛ a mɔ́ ɗɛ̄ɛ̄ an mɔ mɔms dood ha̧a̧l hin gɛ, dood wɔ hi raak a be gi Bɛtdɔgl tɔmsyayɔ, wɛɛ hi taa tɔmsya rɔbɛ be, mɔ goohi mɔ zɛ̧hi ya̧a̧gɔ̧ɔ̧nyaadɛ!

Mɔ gin hinmɔŋki, mɔ ha̧a̧ya̧a̧r a be nuŋg dɔŋgo, wɛɛ mɔ́ hɔ̄ns muul gɛ.

Za̧a̧nyɔ gin tɔnɛ gi kɛm hinyɔ Bɛt Mɔkilɔ gi dɔksig fɔkbeya wɔ hi mɔksig lɛl sɔmsɔm: a za̧a̧nyɔ ɗɛɛ waalɛ be gaag lees yɔ yaat gɔ hi el nuŋgɔ a maanyɔ zaaɔ. Be wɛɛ be gaag kambuuto; nuŋg yɔ bi̧i̧y a kambuut bɔ muulɔ ge doo za mɛɛ gɛ, gɛ za̧a̧nyɔ gɔ gi dagige.