Popular Bible Verses from HINWƆ HI MITS YOHANA 3

Share

Yɛrɛ kɛmɔ! Be erk a lukgbarya̧ be ɓaako. Doo gi lag ya̧a̧ be gi gborsib gbɔnɔ, be tal a ge be letinhin hi giya, gii be gi letin hi bee be.

a be mɛɛ woos mɔ, be mɛɛ a mɔ taa saŋti wɛɛ mɔ taa sa̧a̧ti! À mɔ gi nɛ saŋti, zaabe sa̧a̧ti, yɔ bɛsibe. Yɛrɛ anyɔ mɔ gi teesdu geli, mɔ taa saŋti wɛɛ mɔ taa sa̧a̧ti, be gidi bed an be wɛ̧mɔ.

Dood wɔ ha̧a̧be hi muulɛ be gisihi hinbɔ̧ɔ̧ko be gihi ya̧a̧rgaako. Rɛmha! Dɛmnaanɛ!

a be mɛɛ woos mɔ. Be gborsum gbɔnɔ, doo za taan tɛŋk an gi gboo. Be mɛɛ a tɛŋk mɔ tɔɔ gɛ; yɛrɛ mɔ gi fɔk dɔgl be, mɔ́ fāā nuŋg be gɛ.

Za̧a̧nyɔ ɗɛɛ waalɛ, bé gaag gbɔnɔ an gi ɗɔɔt be dɔŋdi a be waar ums ɗɔɔtillɛlɛ an bee yɔ be ɗɛɛ waal be ɗɔɔtig a Baa be dɔŋdi a gi waar ums ɗɔɔtillɛlɛ.

Mɔ gi raak a be gin rɔɔsɛ, be dag hin rɔbtɔnɔ, hinza ha̧a̧b taa du, kol yaab hinza ma gɛ, yɔ mɔ́ mɛ̄ɛ̄ a mɔ ya̧a̧rha̧a̧k gɛ, a mɔ rii ya̧a̧rmɛɛk gɛ, a mɔ gı̄ ya̧a̧rya gɛ, a mɔ gı̄ yɔ̧ɔ̧ri hi ɔ̧l gɛ giya.

Anyɔ mɔ fɔb dɔgl be mɔ mɔm hin anyɔ be raamɔ, benɛ be oom rɔbtɔnɔ a ya̧a̧rhant ɔ̧tyɔ gɔ gi zaa gi goo dood hɛbtdi sɛw gedu.

Be zaak nɔɔko; wa̧a̧m hinyɔ mɔ gin rɔbtɔnɔ an bɔ doo za gi zaa gi wɔɔ waar ums kal mɔ.

Rɛmha, ɓaasum hinyɔ zɛ̧ɛ̧r hi kolɛ, hinyɔ sɛ̧ɛ̧b wɔrko. Bé zɛ̄m woos mɔ bɛ̄r rɔbtɔnɔ a Bɛt be muutdu gɛ.