Popular Bible Verses from Baroma 2

Share

Ngono iwe, nthu koga unosumikilisa bamwe koga uzwithamabo. Apa unokumbula kuti unowodzeta kusumikilisa kwe Ndzimu kene? Kene unolingila pasi nzhazho wawo nkulukulu ne moyo wawo nyolo ne moyo wawo nlefu? Apa autoziba kuti nzhazho we Ndzimu wakathamigwa kukutungamilila mu kushandukila matjinyo awo?

Ndizo iwe unosumikilisa bamwe, auna tjaungabhatila patjili, kene uli ani; ngobe ha usumikilisa bamwe, ngono ube uthama izwezobo zwabanothama unozwisumikilisa.

ngobe Ndzimu auna shalaulo.

Ngobe ate kuli banohwa nlayo, banobe balulwami mbeli kwe Ndzimu, koga nge banolondolodza nlayo ndibo banolulwamisiwa.

Ngobe Ndzimu unowopa mmwe ne mmwe mbhayilo kuyendidzana ne mishingo iye.

Koga ibabo banozwialakana boga, ngono basingahwe malebeswa, koga betobela bubi, Ndzimu unowobagwadzilamoyo ukabe ne bushongola mu bali.

Koga ngekwe bukomba gugo nenge moyo uwo nkukutu kushanduka, unozwibiganyidzila shamu mu zhuba linowoti bushongola gwe Ndzimu ne kusumikilisa kwawo kwakalingisana kukazumbunuka.