Popular Bible Verses from Baroma 1

Share

Anditobhatisiwa shoni nge ndebo mbuya, ngobe i simba le Ndzimu kutjidza mmwe ne mmwe unogalamoyo, ku Bajuta kutanga kunoti ne kuna Bezwitjaba.

Ngobe mu ndebo iyeyi ndulamo ye Ndzimu inozumbunugwa nge kugalamoyo, sekwa kwakakwagwa kuyi, “Iye wakalulwamisiwa nge kugalamoyo unowotjila.”

Tjinga Ndzimu kwawakabumba shango, mbumbiko yawo isingaboneke ne simba lawo lisingapele ne budzimu gwawo zose izwezwi zwakatjeneseka zubuyanana mu zwithu zwakabumbiwa. Ndizo bathu abana tjabangabhatila patjili.

Ngoti nenguba bakabe beziba Ndzimu abazoukudza se Ndzimu kene kuli kuuboka, koga zose zwabanoalakana azwina nshingo, bakafa meya, mikumbulo yabo izhalima.

Ngoti banotenganya malebeswa ngekwe Ndzimu nge manyepkhwa, bakanamata kakale bakashingila tjibumbiwa mu bumo gwe Mbumbi iye wakafanila kudziwa nge kusingapele! Ngakujalo.

Bushongola gwe Ndzimu gozumbunugwa gudwa kudzimu gudelukila bose babi nenge mbipo ye bathu banodzibila malebeswa nge mbipo yabo.

Ngekwa ikoku, Ndzimu wakabaletjedzela mu njemulo dzabo dzinobhatisa shoni. Ne bakadzi babo bakashandulila yendiso yakawolobeleka ye kuwalilana kuna isakawolobeleka. Ne balumebo bakaletja zila yakawolobeleka yekuwalilana ne bakadzi ngono bakawalilana tjekwabo. Balume banothama mishingo inobhatisa shoni ne bamwe balume. Ngekwa ikoku banoamutjila mbhayilo we shamu wakabafanila. Ngono ngekuti abazowana kwakafanila kuti bazibe Ndzimu, wakabaletja bali mu mikumbulo yabo yakabola, kuti bashinge zwithu izwezo zwabasakafanila shinga.

Nenguba bezwidwa beti bakatjenjela, koga bazwilengwe, mu bumo gwekuti bakudze Ndzimu usingalobe, banokudza zwifano zwakathamiwa se nthu unoloba kene se nyuni kene se phuka kene zwitjili zwinosoba na pasi.