Popular Bible Verses from Joshuwa 6

Share

Ipapo Yahwe bakadwa Joshuwa bakati, “Bona, ndolonga mu maboko awo bathu be Jerikho na mambo wabo ne babhayani bayo bakasima.

Ngono kuti muhwa nyanga dzilila kwe lubaka bulefu bathu bose bamimilile pezhugwi ngono guma le nzi nkulu lowowila pasi lose, bathu babe betambunuka bengina muuli.”

Yendani mupoteleke nzi we Jerikho ne babhayani benyu be ngwa bose, mupoteleke kudza munoligila kang'ompela nge zhuba, muthame saikoku mazhuba ali matathatu ngotobedzana kwawo.

Bapirisiti bali kutendeka batungamile Bhokisi, mmwe ne mmwe wabo akabhata tjilidzo tje lunyanga gwe nyundo. Mu zhuba le butendeka mupoteleke nzi katendeka, bapirisiti ibo bakabhata belidza nyanga.

Ngono kwakati mu tjibaka itjetjo bathu be Jerikho bakabe bazhalila mikoba yose yabo ngotja Baiziraela, kwakabe kusina unongina kene unobhuda.

Kwakati bopoteleka gwe butendeka, bapirisiti bakalidza nyanga dzabo ngono Joshuwa kadwa itjaba kati, “Tjimimilani ngobe Yahwe bamupa nzi nkulu Jerikho!

Nzi nkulu ne tjimwe ne tjimwe tjimuuli zwipiwe Yahwe ngokolomodziwa, kusale fukula Rahabu koga ne baanabo be nsha uwe ngobe akasumbika shodzi dzedu dzatakabetatuma.