Popular Bible Verses from Isaya 40

Banopa simba banotimbama, bakasimisa basina matatabuko.

Bazhuzha naibo banowotimbama bakanyala, batjetjana banowotshatsharika bakawa. Koga ibabo banobhatilila muna Yahwe banowomusidzila matatabuko abo. Banowowuluka nge mapapilo se madzu. Banowolabuka ngono bakasinyale, banowoyenda ngono bakasitimbame.

Apa amuzobona? Kene amuzohwa? Yahwe Ndzimu kusingapele, Mbumbi we phelelo dze shango. Abatotimbama kene kuli kunyala, kuhwisisa kwabo akungashakisiswe kukahwisisika.

Mima yahwika iti, “Lulwamisani zila ya Yahwe mu tjilambanyika, temelani Ndzimu wedu zila yakatambunuka mu tjilambanyika.

Bushwa gowoma, maluba anotimbama, koga dama la Yahwe liyapo nge kusingapele.

Ipapo gudzo la Yahwe lowozumbunugwa, ngono bathu bose banowolibona bose ngoti Yahwe balebeleka.”

Nkuku mmwe ne mmwe uvukidziwe, dombo limwe ne limwe ne duthu limwe ne limwe lidusiwe, pasi pasakalizalizana panowolizalizana, pana makombakomba kowolulwamisiwa.

Banowofudza ngubi yabo se nlisi, banowokubunganyila pkhwizana pabali, bakadzisenga nge maboko abo, bomayi bakabatungamila be dzinanayidza.

Milidza mesho awo ulinge pezhugwi ngono ubone, Ndiani wakabumba kose ikoku? Ndiye unozhisa nyenyedzi dzose edzidana, imwe ne imwe nge zina. Ngoti una masimba makulu ne matatabuko akuna ne ing'ompela isipo.

Iye ugele pezhugwi kwe denga le shango, bagali mu shango kunli banolingika se zwipombobushwa, unotambunudza kudzimu se jila, unokutambunudza se nshasha ungagagwa muuli.

Lebelekani ne Jerusalema nge matama anotebamisa, milidzani hwi mu babudze kuti tjibaka tje bulanda gwabo tjapinda, shamu ye zwibi zwabo yadusiwa, shamu yabakabe balobgwa ndi Yahwe bepaphulula ngekwe zwibi zwabo.

Hwi lohwika liti, “Mimila.” Ngono ashandula nditi, “Ndowomimila ndilebani?” Bathu bose banonga bushwa, gudzo labo longa le maluba e shango. Bushwa gowoma, maluba anotimbama, ha meya ya Yahwe iya fula, bathu malebeswa banonga bushwa.

Bonani, She Yahwe banozha nge simba, banowobusa nge masimba abo, bonani mbhayilo wabo banawo ne mbuzilo yabo bakayisenga.

Nyaladzani, nyaladzani bathu bangu, koleba Ndzimu.

Ndiani wakayela vula nge mukati kwe tjiazha tjitje ngono kalizanya kudzimu nge bupabi gwe tjiazha tjitje Ndiani wakalizanya hwuluba ye shango kabuya kakala matombo mu tjilizanyo ne matuthu kaalizanya kene? Ndiani wakahwisisa meya ya Yahwe, kene kabadiya se nlayi wabo? Ndiani wabakakumbila kubapa tjedza ne kubadiya tambunuko kene? Ndiani wakabapa zibo, kabuya kabapa hwisiso kene?