Popular Bible Verses from Sentencoj 12

Share

Zorgo en la koro de homo ĝin premas; Sed amika vorto ĝin ĝojigas.

Kiu amas instruon, tiu amas scion; Sed kiu malamas atentigon, tiu estas malsaĝulo.

Ofte nepripensita parolo vundas kiel glavo; Sed la lango de saĝuloj sanigas.

La vojo de malsaĝulo estas ĝusta en liaj okuloj; Sed saĝulo aŭskultas konsilon.

Malsaĝulo tuj montras sian koleron; Sed saĝulo ignoras ofendon.

Brava virino estas krono por sia edzo; Sed senhonora estas kiel puso en liaj ostoj.

Abomenaĵo por la Eternulo estas buŝo mensogema; Sed kiuj agas laŭ vero, tiuj plaĉas al Li.

Al la virtulo estas pli bone, ol al lia proksimulo; Sed la vojo de malvirtuloj ilin erarigas.

Parolo vera restas fortike por ĉiam; Sed parolo malvera nur por momento.