Popular Bible Verses from Sentencoj 11

Share

Animo benanta ĝuos bonstaton; Kaj kiu trinkigas, tiu mem havos sufiĉe por trinki.

Unu disdonas, kaj riĉiĝas ĉiam pli; Alia tro avaras, kaj tamen nur malriĉiĝas.

Se venis malhumileco, venos ankaŭ honto; Sed ĉe la humiluloj estas saĝo.

Ĉe manko de prikonsiliĝo popolo pereas; Sed ĉe multe da konsilantoj estas bonstato.

La frukto de virtulo estas arbo de vivo; Kaj akiranto de animoj estas saĝulo.

Kiu iras kun kalumnioj, tiu elperfidas sekreton; Sed kiu havas fidelan spiriton, tiu konservas aferon.

Bonkora homo donos bonon al sia animo, Kaj kruelulo detruas sian karnon.

Kiu fidas sian riĉecon, tiu falos; Sed virtuloj floros kiel juna folio.

Ne helpos riĉo en la tago de kolero; Sed bonfaremo savas de morto.

La senkulpeco de la piuloj gvidos ilin; Sed la falsemo pereigos la maliculojn.

Kiel ora ringo sur la nazo de porko, Tiel estas virino bela, sed malbonkonduta.

Malvera pesilo estas abomenaĵo por la Eternulo; Sed plena pezo plaĉas al Li.