Popular Bible Verses from 1 Zaan 3

Share

Na, 'na 'cicʋnyɩ ‑a 'la wabhawabhalɩa neen bhlobhlo, ‑ma ‑a wabhawabhalɩ nʋnʋgbɩ ɩya ‑nʋawlɛ nɩkplaan.

‑Anɩ ‑naa nɩkplaan ‑a cibhlili 'lɛ ‑walʋ. Zozi ya ɔcɩ ‑sa 'nyɩ ɔ ya 'lɛ ‑ala gbʋ 'ku. Na, ‑anyɩ ‑ma, ɩ ‑fata lebhe ‑a ‑sa ‑acɩ ‑a bholiecɩ 'la gbʋ.

A kopeka saa Toa ya 'lɛ ‑anyɩ wabha, 'nyɩ ɔ ya 'lɛ gba, 'nyɩ ma la 'lɛ ‑anyɩ Laagɔ 'la 'cuo na. ‑A ‑glɩ maa ‑zaagbʋsa, ‑ma ‑laagɔzɔan 'ta ‑anyɩ ‑ci, ‑ofi lebhe ɩ 'tɔɔ cibhlili na.

‑Ma, ɔmɔa ‑ɔ nʋ 'lɛ nyinyi na, ɔ ‑glɩ gɔzɛ 'la nclɔɔ, ‑ofi lebhe bhɔdaa tooto gɔzɛ bhɔlʋ 'lɛ nyinyinʋlɩɛ. Ka Laagɔ 'la 'Cʋa ci 'lɛ le ɔ 'ka gɔzɛ 'la nʋnʋlobholia nyumo.

Na, ncaatʋtʋʋntʋa ‑ɔ ‑glɩnɩ 'lɛ Laagɔ 'la 'cʋ na, 'ɔ nʋ 'tanɩ nyinyi, ‑ofi lebhe ka Laagɔ 'la wɔɔnyɩtʋa ‑kʋnɩɔ 'lɛ nɩkplaan le gologolosucie 'bhisa. 'Ɔ cɩ 'tanɩ mino ɩya ɔ 'kanɩ ‑awlɛ nyinyi nʋ, ‑ofi lebhe ɔ ‑glɩnɩ Laagɔ 'la 'cʋ na.

Gbazɩ nclɔɔ ‑ka ‑laagɔzɔn ‑naa 'bhɛlɩ ‑lio, 'nyɩ ɔ ‑ka ɔ bholi 'lɩ, ɔ ‑ka ‑mieliin ‑kʋ, 'nyɩ ɔla gbɩa 'tɔɔ ŋaazɩ ‑pla na, 'nsasa ma cɩ 'kaa 'lɛ 'claclalɩ lebhe Laagɔ 'la ‑walʋ ‑kʋɔ nɩkplaan bha?

Na, ɔmɔa ‑ɔ zʋ 'lɛ ɔla ‑jlɩmaa na, ɔ ‑kʋ Laagɔ nɩkplaan, 'nyɩ Laagɔ ‑kʋɔ 'lɛ nɩkplaan. 'Nyɩ 'Wugoa ɔ 'nyɩ 'lɛ ‑anyɩ na, ʋmʋ ‑ʋ gba 'lɛ 'nyɩ ‑a cibhlili 'lɛ sɛɛ lebhe ɔ ‑kʋ ‑anyɩ nɩkplaan.

‑Anɩ ‑naa nɩkplaan ma cibhlilili 'lɛ Laagɔ 'la 'cuoa ɩya gɔzɛ 'la 'cuoa. Ncaatʋtʋʋntʋa ‑ɔ namʋnʋ 'ta 'lɛ 'kʋnylugolulɩɛ nɩkplaan, ‑aana ‑ɔ 'ta 'lɛ ɔ bholi ‑wa na, ɔ 'ta Laagɔ 'la 'cʋ ‑glɩ.

Wɔlɩ ‑naa a 'nu 'lɛ bhɔdaa tooto na, ɩmɩ ‑ɩ ‑glɩ 'lɛ lebhe ‑a wabhawabhalɩ

Bholiecɩnyɩ, ‑laagɔzɔan ‑ka anyɩ ‑zɔ na, ɩ 'la ‑slaa anyɩ nikpoo.