Popular Bible Verses from 1 Zaan 2

Share

A 'la wabhaa ‑laagɔzɔan ɩya lɩɩa ‑ɩ ‑kʋ 'lɛ ‑laagɔzɔan na. Sa, gbazɩ nclɔɔ ‑ka ‑laagɔzɔan ‑wa na, Toa 'la ‑walʋ 'tɔɔ nɩkplaan ‑kʋ. ‑Masa ɩmɩa ‑tɛtɛa ‑ɩ ‑kʋ 'lɛ ‑laagɔzɔan, 'nyɩ ‑ɩ ‑glɩ 'lɛ lɩɩa 'la 'tʋa ‑ʋ bhla 'lɛ 'nyɛkɛa, lɩɩa 'la 'tʋa ‑ʋ bhla 'lɛ 'cia, ɩya 'bhɛlɩlilie 'la ‑tutuleea na, 'ɩ 'wlʋlʋ 'ta Toa wlɩɩn, ‑ma ‑laagɔzɔan ɩ 'wlʋlʋ 'lɛ.

Ka ‑laagɔzɔan ɩya ɩla lɩɩa 'la 'tʋa ‑ʋ bhla 'lɛ ncɛlɩ na plɩ 'lɛ. ‑Ma ɔmɔa ‑ɔ nʋ 'lɛ Laagɔ 'la pɔɔsa na, ɔ ‑kʋ 'lʋkʋlʋkʋ ɩya 'lʋkʋlʋkʋ.

Na, ɔmɔa ‑ɔ cla 'lɛ ɔcɩ lebhe ɔ mɛɔ cɩ na, ɩ ‑fata lebhe ɔ namʋ ɔmɔ 'bhisa.

'Na 'cicʋnyɩ, ka n zie 'lɛ anyɩ ɩmɩ ‑naa ɩya a 'la ka nyinyi nʋ. ‑Ma ka nclɔɔ ‑ka nyinyi nʋ na, ‑a ‑ka nclɔɔ bhlo, ‑ɔ -cɩ ka 'lɛ ‑ala da nyɩtɛ Toa ‑deliin na, ɔmɔ ‑ɔ ‑glɩ 'lɛ Zozi Klisi, 'kʋnylugolunyɔa.

Ɔmɔa ‑ɔ cla 'lɛ lebhe: «N ‑ci Laagɔ,» 'nyɩ ‑ɔ 'plɩlɩ 'ta 'lɛ Laagɔ 'la ‑jlɩmaa 'kʋ na, ɔ ‑glɩ yodizʋnyɔ, 'nyɩ ‑nʋawlɛ 'tɔɔ nɩkplaan ‑kʋ.

‑A ‑ka Laagɔ 'la ‑jlɩmaa 'kʋ 'plɩlɩ na, 'dɛ 'la daa na, ‑a ‑cinɩ sɛɛ lebhe ‑a ‑cio.

Na, ɔmɔa ‑ɔ cla 'lɛ ɔcɩ lebhe ɔ ‑kʋ zezezelia nɩkplaan, 'nyɩ ‑ɔ ‑zɔ 'lɛ ɔ bholi na, 'tutua nɩkplaan ɔ ‑kʋ ka ‑azla 'lɛ.

'Nyɩ, ncaasaa ‑ɔ ‑glɩa 'lɛ yodizʋnyɔa bha? Ɔmɔa ‑ɔ cla 'lɛ lebhe Zozii 'ta Klisi ‑glɩ na, ‑n 'ta ɔmɔ bha? 'Lɩka Klisi 'la ‑zɔbhɛlɩgbanyɔa. Ɔmɔ ‑ɔ ‑glɩ 'lɛ ɔmɔa ‑ɔ blɔ 'lɛ Toa ɩya 'Cʋa na.

Ncaatʋtʋʋntʋa ‑ɔ blɔ 'lɛ 'Cʋa na, ɔ 'ta Toa ‑masɛɛ ‑ka. ‑Ma ɔmɔa ‑ɔ cibhlili 'lɛ 'Cʋa na, ɔ ‑ka Toa ‑masɛɛ.