Popular Bible Verses from 1 Kolt 13

Share

‑Walʋ kla pɔlɛ, ‑walʋ klalɩ, 'ʋ ‑pla 'ta woze, 'ʋ ‑to 'ta ʋcɩ 'kʋ, 'ʋ li 'ta ‑tutule, 'ʋ nʋ 'ta wɔɔnyinyi ‑ylɛylɛ, 'ʋ 'ta nyuno ‑ka, 'ʋ 'ma 'ta dɔbgɛ, 'ʋ zʋ 'ta wɔlɩ nɩkplaan

Ʋ va wɔlɩa ‑tɛtɛa. Saa 'fɩan ɩ cɩ 'lɛ kʋkʋlʋ na, ʋ ‑ka pɔɔtɛtɛ, ʋ 'tɛlɩ ‑tɛtɛa 'fɩan pɔlɛ 'kʋ, ʋ ŋonu wɔlɩa ‑tɛtɛa 'kʋ.

'ʋ nʋ 'ta ɩmɩa ‑ɩ 'ta 'lɛ 'kʋnylugolu na 'la ‑pɔpʋɛ, ‑ma ‑nʋawlɛ nɩkplaan ʋ 'lɩlɩ 'lɛ ʋla pɔlɛkʋmɛnɔ.

Na, ‑anɩ ‑naa ‑mɔtaa, ɩmɩ ‑ɩ ‑tonɩ 'lɛ, pɔɔtɛtɛ, pɔlɛkʋtɛlɔ ɩya ‑walʋ. ‑Ma ‑walʋ ʋmʋ ‑ʋ zi 'lɛ ɩmɩa 'fɩan 'kʋ.

‑Walʋ 'ta bhɩada ‑ka. ‑Laagɔnekʋnyɩtɛlɩɛa cɩ 'kaan do. 'Bhlɩ 'bhlɩ 'kʋ 'la wɔlɩa 'la nyɩtɛlɩɛa cɩ 'ka bhɩa. Wɔɔcibhliliea cɩ 'kaan do.

N cɩ 'bhlɩwɔlɩa ma 'nu 'ta 'lɛ ɩla ‑zɔn na nyɩtɛ, ncɛlɩ 'nɩ ɩya 'bhlaandleecɩ* 'nɩ, ‑ma ɩ ‑ka ‑kʋ lebhe n 'ta ‑walʋ ‑ka na, 'na gbɩa ‑kʋ le letiea ‑ɛ gba 'lɛ na, janjaan ‑a gba 'lɛ na 'bhisa.

N cɩ ‑laagɔnekʋnyɩtɛtɛtɩ kalɩ, n cɩ zizieziziewɔlɩa ‑tɛtɛa ɩya wɔlɩa ‑tɛtɛa cibhlili. N cɩ pɔɔtɛtɛa ‑tɛtɛa kalɩ, ɛmɛa ‑ɛ sa 'lɛ 'kiki ‑da 'kʋ na, ‑ma ɩ ‑ka ‑kʋ lebhe n 'ta ‑walʋ ‑ka na, n 'ta lʋʋ ‑ylɛylɛ ‑glɩ.

N cɩ 'na 'nanɩa ‑tɛtɛa ŋɔmʋbhlabhlanya poli, n cɩ 'na 'nyɛkɛa ‑kosu va, ‑ma ɩ ‑ka ‑kʋ lebhe n 'ta ‑walʋ ‑ka na, 'n cɩ 'tɩɩ lʋʋ ‑ylɛylɛ nɩkplaan 'lɩlɩ.

Daa n ‑glɩa 'lɛ 'cilee na, 'cilee 'bhisa 'kʋ n nyɩtɛa 'lɛ, 'cilee 'bhisa 'kʋ n gugua 'lɛ, 'cilee 'bhisa 'kʋ n bua 'lɛ. ‑Ma daa n 'plɩnɩ 'lɛ nclɔɔ na, n ya 'cinʋnʋgbɩa 'fɩan 'nylugolu.