Popular Bible Verses from 1 Kolt 12

Share

'Wugoa 'plɩlɩ nclɔɔ nclɔɔ 'kʋ 'nyɩ ʋ pala ʋla nʋnʋgbɩa, ncɛlɩa ‑tɛtɛa 'la 'nanɩ 'la gbʋ.

Anyɩ, Klisi 'la 'nyɛkɛa a ‑glɩ 'lɛ, 'nyɩ nclɔɔnclɔɔ, ɔla saa ɔ ‑kʋkʋlʋ 'lɛ na, ‑glɩ 'lɛ ɔla 'nyɛkɛa 'la dabhlo.

Na, gbazɩ 'kwlɩ ‑ka 'nyɛkɛa 'la dabhlo bhɩada ‑kʋ na, ka 'nyɛkɛa 'la dɩa ‑tɛtɛa ‑yɛɛsɛ 'wlalɩ 'lɛ ɩla 'kwlɩbhɩɛa 'kʋ. 'Nyɩ gbazɩ ma ‑ka dabhlo 'ŋwleenfalɩ na, ka dɩa ‑tɛtɛa ‑yɛɛsɛ 'wlalɩ 'lɛ ɩla pɔlɛkʋmɛnɔa 'kʋ.

'Wugoa nyɩ ‑anɔ dɩgalɩwɔɔnyɩtʋ, 'nyɩ ‑anɔ bhlo, 'Wugoa bhlogbɩɩ nyɩɔ 'lɛ wɔɔcibhliliwɔɔnyɩtʋ. 'Wugoa nyɩ ‑anɔ pɔɔtɛtɛ, 'nyɩ ‑anɔ bhlo, 'Wugoa bhlogbɩɩ nyɩɔ 'lɛ guzenya 'la jabhatɛtɩ. Ʋ nyɩ ‑anɔ 'ciinzizielɩlobholi 'la nʋtɛtɩ, ‑anɔ bhlo, Laagɔ 'la nekʋnyɩtɛtɛtɩ, ‑da ‑naanɔ bhlo 'wugwi 'la nɩkplaangbazlɩlɩtɛtɩ, ‑da ‑naanɔ bhlo ‑awlɛ, 'bhlɩwɔlɩa maa 'nu 'ta 'lɛ ɩla ‑zɔn na ɩla nyɩtɛtɛtɩ, 'nyɩ ʋ nyɩ 'lɛ ‑da ‑naanɔ bhlo ɩla ‑zɔnsatɛtɩ.

‑Ma ɩmɩ ‑naa ‑tɛtɛa, 'Wugoa 'titi bhlogbɩɩ ‑ʋ nʋɩ 'lɛ, ʋmʋ ‑ʋ nyɩ 'lɛ ʋla nʋnʋgbɩa nclɔɔ nclɔɔ 'ci 'ci, saa ʋ ‑wa 'lɛ na.

ɩya 'nyɛkɛa 'la ka nɩkplaan do, ‑ma ɛla dɩa ‑tɛtɛa 'ka pɔlɛ cɩ falɩfalɩlɩ.

Laagɔ 'la 'nanɩa ‑kʋ 'ci 'ci, ‑ma 'Wugoa bhlogbɩɩ ‑ʋ nyɩɩ 'lɛ. Laagɔ 'la lobholɩɛa ‑kʋ 'ci 'ci, ‑ma ‑Kwlenyɔa ma lobho 'lɛ na, ɔ ‑glɩ bhlo. Nʋnʋgbɩa ‑ma ‑kʋ 'ci 'ci, ‑ma Laagɔ bhlogbɩɩ ‑ɔ 'plɩlɩ 'lɛ ncɛlɩa ‑tɛtɛa 'kʋ 'nyɩ ɔ nʋ 'lɛ ɩmɩa 'fɩan.

'Nyɩ maa Laagɔ zʋ 'lɛ ‑laagɔnɩkplaa 'kʋklʋʋn na, ‑bɛka -naanʋa ‑glɩ 'lɛ lobhulobhunya*, ‑mɔsɔ -naanʋa ‑glɩ 'lɛ Laagɔnekʋnyɩtɛnya*, ‑mɔta -naanʋa ‑glɩ 'lɛ canya 'nyɩ maa ɔ 'nyɩ 'lɛ 'ciinzizielɩlobholi 'la nʋtɛtɩ na, gɩɩ 'lɛ 'dɛ, 'nyɩ mala leen, maa ɔ 'nyɩ 'lɛ ncaajabhalɩɛ, ncaaklalɩlɩɛ, ncɛlɩ 'la 'klʋlɩlɩɛ, ɩya lowluwɔlɩɩn 'la nyɩtɛlɩtɛtɩa na, ci 'lɛ.

'Nyɛkɛa ‑n 'ta 'blʋ bhlo ɛ 'ta 'lɛ ‑glɩ, ‑ma 'blɩ ‑bhutukpa ɛ ‑ka 'lɛ.

‑Ma, 'nyɛkɛa 'la daa ma 'lɩ 'lɛ lebhe ɩ ‑ba 'ciin na, ɩmɩ ‑ma ɩ ‑ka ɩla lobholi.

'Nyɩ ka 'nyɛkɛ bhuoa ‑kaa 'ci 'tɛɛ ‑glɩ na, 'nda 'nyukwlia cɩ 'kaanɩa 'lɛ kʋ bha? ‑Tɛtɛa 'fɩan ‑kaa 'nyukwli ‑glɩ na, 'nda 'mlea cɩ 'kaanɩa 'lɛ kʋ bha? ‑Ma Laagɔ ya 'nyɛkɛa 'la lʋʋ lʋʋ ʋla da zʋ, saa ɔ ‑wabha 'lɛ na. 'Nyɩ ka 'nyɛkɛa 'la dɩa ‑tɛtɛa ‑kaa da bhlogbɩɩ ‑tɛɛ ‑glɩ na, 'nda 'nyɛkɛa cɩ 'kaanɩa 'lɛ kʋ bha?