Popular Bible Verses from 1 Kolt 11

Share

Sɛɛ bhlogbɩɩ, daa ma bhɩalɩ 'lɛ lilie na, ɔ ya ‑kɔbhɛa 'ma 'nyɩ ɔ ya 'cla lebhe: ‑Kɔbhɛ ‑naa, ɛ ‑glɩ mɛnʋ ‑lelua ‑ʋ 'slalɩɔ 'lɛ 'na ‑dolua 'kʋ na 'la ‑kɔbhɛ. A ‑ka ‑azlɛɛ 'mlada ‑kʋ na, a 'mlɛɛ le a 'kaan luoli. Na, gbazɩ a li 'lɛ 'flawo ‑naa 'nyɩ a mla 'lɛ ‑kɔbhɛ ‑naa na, ‑Kwlenyɔ 'la 'kwɩa 'la 'dɩa a sa 'lɛ ‑sa ‑aan ɩya ɔ 'ka ci.

‑Amʋ, 'lɩka wɔlɩa ‑Kwlenyɔa zʋʋn 'lɛ wlɩɩn, 'nyɩ n solu 'lɛ anyɩ na. ‑Kwlenyɔ Zozii, clɩɩa 'kʋa ma sɔɔ 'lɛ na, ɩla dobhea, ɔ ya 'flawo 'ma, ɔ ya Laagɔ bhɔlʋ, ɔ yʋʋ 'kliin 'dɩdɩlɩ 'nyɩ ɔ ya 'cla lebhe: ‑Anʋ ‑naa, ʋ ‑glɩ 'na 'nyɛkɛa, n ‑sa 'lɛ 'nyɩ n 'nyɩ 'lɛ anyɩ na. A liu ɩya a 'kaan luoli.

Na, 'fɩɔn a 'ka 'lɛ 'flawo ‑naa li ɩya a 'ka 'lɛ ‑kɔbhɛ ‑naa 'mla na, 'naa nclɔɔ nclɔɔ 'titi mʋ ɔcɩɩn. Sa ɔmɔ ‑ɔ ‑ka li 'nyɩ ɔ ‑ka 'mla 'nyɩ ɔ 'ta cibhlili lebhe ‑Kwlenyɔa 'la 'nyɛkɛa ɔ li na, 'tɩtɩa ma cɩ 'kɔɔ 'lɛ ‑pla na, ɩmɩ ɔ lalɩ ɔcɩ 'kʋ.

Ɩla gbʋ na, ɔmɔa ‑ɔ ‑cɩ 'ka 'lɛ ‑Kwlenyɔ 'la 'flawoa li ɩya ‑ɔ ‑ka 'lɛ ɔla ‑kɔbhɛa 'mla, 'nyɩ ɔ ‑yɩɩsɩ 'ta ‑fata na, ‑Kwlenyɔ 'la 'flawoa ɩya ɔla ‑dolua 'la ‑tobhua ‑gbɛɔ 'wlu.

A 'plɩ 'na dɩbalɩnya, le saa ‑amʋ 'titi n ‑glɩ 'lɛ Klisi 'la dɩbalɩnyɔ na.