Popular Bible Verses from Kolosensenan 3

Share

Soportá otro i pordoná otro ki ora ku un di boso tin un keho kontra otro. Pordoná otro meskos ku Señor a pordoná boso.

Empeñá pa kos di shelu i no pa kos di e mundu akí.

Hasi tur kos di henter boso kurason, komo si fuera ta pa Señor boso ta traha i no pa hende.

Dios a skohe boso; boso ta su pueblo santu, ku E ta stima. P'esei bisti boso ku kompashon, mizerikòrdia, bondat, humildat, mansedumbre i pasenshi.

Laga e mensahe tokante Kristu permanesé ku tur su rikesa den boso kurason. Siña i koregí otro ku tur sabiduria. Kanta salmo, himno i kantika spiritual na Dios ku un kurason gradesido. Den tur loke boso bisa òf hasi, boso mester honra nòmber di Señor Hesus, yamando Dios Tata danki pa medio di djE.

I huntu ku tur esaki pone amor tambe; amor ta mara boso tur huntu den un union perfekto.

Unabes ku boso a lanta for di morto huntu ku Kristu, dirigí boso bida riba loke ta den shelu, kaminda E ta sintá na man drechi di Dios.

Laga e pas di Kristu guia boso kurason; pasobra ta pa haña e pas ei mes, Dios a yama boso pa huntu boso forma ún kurpa. Sea gradesido na Dios!

P'esei mata tur loke ta di e mundu akí den boso: inmoralidat seksual, indesensia, pashon, deseo malu i avarisia, ku ta igual na idolatria.

Pasobra boso ta morto i awor boso bida ta skondí huntu ku Kristu den Dios.

Pero awor akí boso mester stòp di rabia, di bira furioso, di hasi maldat, di kalumniá, di papia palabra baho

i di gaña otro. Pasobra boso a pone boso bida di ántes un banda huntu ku e kosnan ku boso tabata hasi i boso a kuminsá biba manera hende nobo, ku Dios, e Kreador, ta sigui renobá pa asina boso kambia den su imágen i siña konos'É di bèrdat.

Hòmbernan, stima boso esposa i no trat'é brutu.

Muchanan, obedesé boso mayornan den tur kos, pasobra esei ta agradá Señor.

Señoranan, someté boso na boso esposo, manera ta deber di un hende ku ta biba den union ku Señor.