Popular Bible Verses from Nje Ke Colosses 3

Share

Ilei kem̂ si pon dè nan’t. Ke nè á doo karé dann si sei’t aw se tà ke asekum kade in’n se made’n se tà géa, adi kem̂ si tin mbit dè nan’t. Adi kem̂ si tin mbit dè nan’t titeke Kuwe-ɓee ade kem̂’n tin’n mbit dè si’t nga tɔ.

I giri dè nyange ke dɔ m dè nyange ke dè nang nè nga lé.

Nyan ke rara ke a i rai nga, i rai se ra si bere mbak titeke i rai adi Kuwe-ɓee nga bè m adi dooge lé.

Nube tár sei ngain. Gir’n ke nè nè á è tɔr’n sei le kade sei dooge le’n ke i tooi se ninn de. Bè ɓaa, an-in kumndoo le nan, i rai kem̂kanm se nan, ulei dè si adi nan a, awi lom-lom a, ilei kem̂ si pon a tɔ.

Maje kade tà le Krist urkei kem̂ si’t bàj-bàj a, ade sei kumkunju ke deri tede kade i ndóii nan nyan a, i tɔji nan nyan a tɔ. Ɔsi page i rai oiyo se ngarankem̂ si bere mbak. Ɔsi page ke Ndil á ule tà si’t i piti Nube tede kem̂-maje le’n. Nyan ke rara ke a i rai, né è tà tam si éké nyanra si géa, i rai se ri Kuwe-ɓee Jésu. I rai Bɔ jéi Nube oiyo se takul’n è Krist.

I tɔli tà nyange nè malang se tár nan: tede tár nan nga è kule noje ke maje ɔr njêt ke tɔ sei nan’t kade sei dooge ke karé bere.

Sei undei loo i teei se Krist dann njé ke koo’t ɓá. Bè ɓaa, i sangi nyange ke dɔ danran, loo ke Krist ndi tutu dè jikon Nube’t.

Maje kade kem̂lom le Krist on ɓee dè ɓengre si’t. Sei nga, Nube ɓar sei le kade kem̂ si tò lom a, le kade sei danra ke karé bere a tɔ. Adi kem̂ si olé dè kem̂-maje’t le Nube, i rai nin oiyo se ndɔge malang.

Gir’n ke nè á inyei go tò se nan ke kaiya’t se nyan ke mine, se kem̂kein se ngur nyan ke majelé se nede nyan ke è mage polé nga, adi wei ra si’t mbɔrɔk-mbɔrɔk. Nyange malang nè nga ei le nang nè.

Kerɔte kuwe, sei weii ɓá, ndikumgajer le si nga ɓɔyɔ ra’n sɔk-sɔk ra Nube’t takul kum ke umi bɔk nan’t se Krist.

Nè ɗarinè, inyei go nyange ke nè malang kɔke: wong, se kɔl nan, se wurkate, se kem̂kein ke majelé, se taje ndu a, se tà rasɔl ke rara nga a tɔ.

Edi nan tà lanm titeke kété lé ta, tede nyanra sige ke kété mari nga uwei de ɔri de ra si’t tite kubu ke ndis bè. Ke nè á awi se kubu ke kige ɓaa, sei i teli doo ke kige. Doo nè tel ra’n kige se ndɔge malang a, tel tanan se njèkunde’n tcha-tcha a tɔ. Titeke bè á sei asikum geri gel Nube njai.

Ngaw dinyege, i tári dinyege le si m adi kum si il kororo dè de’t lé.

Ngannge, ilei koje dè njékoje sige dè nyange’t malang. E ke nè á è nyan ke taa kum Kuwe-ɓee.

Dinyege, ulei dè si adi ngaw sige tede è nyan ke tuwe dinyege ke ei le Kuwe-ɓee nga ɗêw.