Popular Bible Verses from Nǔɖexlɛ́mɛ 2

Share

Lo ɔ́, nǔ towe e vɛ́ wǔ ce ɔ́ ɖíe: a sɔ́ ɖó wǎn yíyí lě e a ɖǒ gbɔn ɖo bǐbɛ́mɛ é ǎ.

Hǔn, bó flín tɛn ɖagbe e mɛ a jɛ ayǐ sín é, bó lɛ́ kɔ sín hwɛ towe lɛ́ɛ gúdo, bó wa nǔ lě e a blǒ gbɔn ɖo bǐbɛ́mɛ é. Ényí a ma lɛ́ kɔ sín hwɛ towe lɛ́ɛ gúdo ǎ ɔ́, un ná wá mɔ we, bó na ɖe zogbɛ́nhɛnnú towe síin.

Wǔvɛ́ e a nǎ mɔ ɔ́ ní ma dó xɛsi nú we ó. Đǒtó: Awǒvi ná bɛ́ mɛ gěgé ɖo mi mɛ dó gankpá mɛ, bó ná dó tɛ́n mi kpɔ́n; mi ná mɔ wǔvɛ́ xɔ azǎn wǒ. Nɔ gbejí káká yi kú; énɛ́ ɔ́, un ná ná we gbɛ bɔ é ná cí axɔ́súgbákún e nɔ́ ná gbɛ mɛ é ɖɔhun.

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́, un ná ná ɛ gbe, bɔ é ná ɖu atín e nɔ ná gbɛ jɔ gbɛ mɛ, bó ɖo Mawu sín jikpá mɛ ɔ́ sín sínsɛ́n.”

Un tunwun nǔ e a wa ɔ́ bǐ; un tunwun tagba e a jɛ é, bó tunwun ɖɔ a ɖǒ suúlu. Un tunwun ɖɔ a kún nɔ sixú mɔ mɛdídá lɛ́ɛ gbɔ ó; yě mɛ e nɔ ɖɔ émí nyí mɛsɛ́dó, bó ma ka nyí ǎ lɛ́ɛ ɔ́, a ba do nú yě, bó mɔ ɖɔ adingbannɔ wɛ nú yě.

A ɖǒ suúlu; a mɔ wǔvɛ́ ɖó nyɛ wútu, bɔ awakanmɛ ka kú we ǎ.

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́, un ná ná ɛ nǔɖuɖu e è nɔ ylɔ́ ɖɔ mǎna bɔ é ɖo hwlǎhwlá ɔ́. Un ná lɛ́ ná ɛ awǐnnya wěwé e jí è wlǎn nyǐkɔ yɔ̌yɔ́ ɖé dó ɔ́; mɛ ɖěbǔ tunwun nyǐkɔ énɛ́ zɛ mɛ e yí awǐnnya énɛ́ é wú ǎ.”