Popular Bible Verses from Nǔɖexlɛ́mɛ 1

Share

Aklúnɔ Mawu Nǔbǐwúkpétɔ́ e tíin din, bó ka kó tíin ɖ'ayǐ, bó ná wá ɔ́ ɖɔ: “Un nyí Alufa, bó nyí Omɛga; un nyí bǐbɛ́, bó nyí vivɔ.”

Nyɛ wɛ nyí mɛ gbɛɖe ɔ́. Un ko kú ɖ'ayǐ; amɔ̌ din ɔ́, un ɖo gbɛ hwebǐnu; kú kpódó kútomɛ kpán sín cávi ɖo así ce.

Nǔ nyɔ́ nú mɛ e ɖo wěma élɔ́ xa wɛ ɔ́, bó nyɔ́ nú mɛ e ɖo tó ɖó wɛn élɔ́ lɛ́ɛ e Mawu dó gbɔn gbeyíɖɔ tɔn lɛ́ɛ jí, bó nɔ́ bló ɖ'é jí lɛ́ɛ wɛ. Đó hwenu e Mawu ɖó bɔ nǔ énɛ́ lɛ́ɛ bǐ ná jɛ dó ɔ́ kó sɛ yá.

Ée un mɔ ɛ ɔ́, un jɛ ayǐ ɖo asá tɔn mɛ, bó cí mɛkúkú ɖɔhun. É ɖó alɔ tɔn ɖisí ɔ́ jǐ ce, bó ɖɔ: “Ma ɖi xɛsi ó! Nyɛ wɛ nyí mɛ e jɛ nukɔn ɔ́, bó nyí mɛ e gbɔn gǔdo é.

Mi kpɔ́n! É jǎwe ɖo akpɔ́kpɔ́ mɛ! Mɛ bǐ ná mɔ ɛ; mɛ e sɔ́ hwǎn ɛ lɛ́ɛ lɔ ná mɔ ɛ. Akɔta e ɖo ayǐkúngban jí lɛ́ɛ bǐ ná ná alě ɖó éyɛ́ wú. Nǔgbó wɛ, é ná nyí mɔ̌! Amǐ.