Popular Bible Verses from Nǔɖexlɛ́mɛ 3

Share

Đǒtó, un ɖo te ɖo hɔn jí, bó ɖo hɔn xúxú wɛ; ényí mɛɖé se gbe ce, bó hun hɔn ɔ́, un ná byɔ́ xwé tɔn gbe; un ná ɖu nǔ xá ɛ, bɔ é ná ɖu nǔ xá mì.

Un tunwun nǔ e a wa ɔ́ bǐ; un tunwun ɖɔ a kún fá ó, a kún ka hun zo ó; é jló mì ɖésú ɖɔ a nǐ nyí ɖokpó ɖo we lɛ́ɛ mɛ. Lo ɔ́, ée é ka nyí ɖɔ gblɔ̌ wɛ a gblɔ̌ xɛ́ɛ́ ɔ́, a hun zo ǎ, a ka fá ǎ; un ná vi we sín kɔ!

Mɛ e un yí wǎn ná lɛ́ɛ ɔ́, un nɔ gbɛ́ nǔ nú yě bǐ, bó nɔ kplɔ́n nǔ yě bǐ. Hǔn, bo ɖe bǐbí dó nǔ wú towe xlɛ́, bó lɛ́ kɔ sín hwɛ towe lɛ́ɛ gúdo.

Un tunwun nǔ e wa wɛ a ɖe ɔ́ bǐ; un tunwun ɖɔ hlɔ̌nhlɔ́n kpɛɖé jɛ́n a ɖǒ; é ka ɖo mɔ̌ có, a blǒ ɖó xó ce jí; a nɔ gbejí nú mì; un hun hɔn ɖé ɖo nukɔn towe bɔ mɛ ɖěbǔ sixú sú ǎ.

“Mɛ e ná ɖu ɖ'é jí ɔ́, un ná ná ɛ gbe, bɔ é ná jínjɔ́n axɔ́súzinkpo ce jí, lě e un ɖu ɖ'é jí, bó jínjɔ́n Tɔ́ ce kpá ɖo axɔ́súzinkpo tɔn jí é ɖɔhun.

A nɔ ɖɔ: ‘Un jɛ dɔkun, un mɔ akwɛ́, nǔɖé hwe dó mì ǎ.’ Lo ɔ́, a tunwun ɖɔ gbɛ̌dónánɔ wɛ émí nyí, lobo nyí lelenɔ ǎ. Wamamɔnɔ wɛ a nyǐ; nukúntíntɔ́nnɔ wɛ nú we; mɛ̌ wɛ a ɖe.

Đó xó e un ɖɔ nú we ɖɔ hwi ní ɖó kan dó nǔ wú ɔ́, a hɛn dó ayi mɛ; énɛ́ wútu ɔ́, hwenu e awě e ná wá xo gbɛ ɔ́ bǐ, bó ná tɛ́n mɛ e ɖo ayǐkúngban jí lɛ́ɛ kpɔ́n ɔ́ ná wá ɔ́, nyɛ lɔ ná cyɔ́n alɔ jǐ we.

Un ná wá ɖo malín málín mɛ din. Hɛn nǔ e ɖo así towe ɔ́ syɛ́nsyɛ́n, bónú mɛɖé ma yí ɖuɖéjí towe sín ajɔ ɔ́ sín así towe ó.

Fɔ́n, bó dó wǔsyɛ́n lanmɛ nú nǔ e lɛ́ kpo ɖo así towe é, bónú é ma kú bǐ gbídígbídí ó, ɖó un mɔ ɖɔ azɔ̌ e a wa lɛ́ɛ kún nyí azɔ̌ e nyɔ́ bɔ nǔ vɔ ɖ'é wú ɖo Mawu ce nukɔn ɔ́ ó.