Popular Bible Verses from Filípunu 3

Share

Hǔn, nɔví ce lɛ́ɛ mi, un lin ɖɔ un ko mɔ nǔ e ba wɛ un ɖe ɔ́ yí ǎ; lo ɔ́, nǔ ɖokpó e wa wɛ un ɖe ɔ́ wɛ nyí ɖɔ un ɖo nǔ e ɖo gǔdo ce lɛ́ɛ wɔn wɛ, bó ɖo gǎn dó wɛ, lobo ná yi nǔ e ɖo nukɔn ce ɔ́ kɔn. Énɛ́ ɔ́, un ɖo wezun jí xwe nǔ e ba wɛ un ɖe ɔ́ kɔn, bó ná dó mɔ ajɔ e Mawu ylɔ́ mǐ sín sɛ́xwé ɖɔ mǐ ná yí gbɔn Klísu Jezu jí ɔ́ yí.

Nǔ e ba wɛ un ɖe kpowun ɔ́ wɛ nyí ɖɔ ma tunwun mɛ e Klísu nyí é, bó tunwun hlɔ̌nhlɔ́n e fínfɔ́n sín kú tɔn ɖó é; un jló ɖɔ ma ji ya é ɖɔhun, bó kú kú e é kú é, bó ná ɖo nukún ɖó wɛ ɖɔ Mawu ná fɔ́n nyɛ lɔmɔ̌ sín kú.

É nyí nǔ énɛ́ lɛ́ɛ kɛ́ɖɛ́ wɛ un mɔ dó mɔ nǔ lá mɛ ná ǎ; lo ɔ́, nǔ lɛ́ɛ bǐ wɛ un mɔ dó mɔ nǔ lá mɛ ná, ɖó vǐví ɖaxó e un mɔ hwenu e un wá tunwun ɖɔ Klísu Jezu ɔ́, Aklúnɔ ce wɛ é nyí ɔ́ wútu; éyɛ́ wútu wɛ un gbɛ́ nǔ bǐ, bó nɔ́ mɔ nǔ bǐ dó mɔ babá, bó ná sixú nyí étɔn

Đ'ayǐ ɔ́, un nɔ mɔ ɖɔ nǔ énɛ́ lɛ́ɛ nyí le nú mì; amɔ̌ din ɔ́, un nɔ mɔ nǔ énɛ́ lɛ́ɛ bǐ dó mɔ nǔ lá mɛ ná ɖó Klísu wútu.