Popular Bible Verses from Filípunu 2

Share

Mi ma sɔ́ ce jɛ́n ná nyɔ́ sín ayixa, abǐ mɛɖée sɔ́ su dó wǔvɔ́ sín ayixa dó wa nǔ ɖěbǔ ná ó; lo ɔ́, mi nɔ sɔ́ miɖée hwe ɖo mɛ ɖě lɛ́ɛ nukɔn, bónú mɛ ɖokpó ɖokpó ní nɔ mɔ ɖɔ mɛ ɖě lɛ́ɛ hú gǎn émí. Mɛɖěbǔ ma nɔ ba ɖagbe é ɖésúnɔ tɔn ó; lo ɔ́, mɛ ɖokpó ɖokpó ní nɔ ba ɖagbe mɛ ɖě lɛ́ɛ tɔn.

Mi ɖó ninɔmɛ e Klísu Jezu ɖó é.

Klísu ko ɖó ninɔmɛ Mawu tɔn sín do; é ka ba ɖɔ émí ná zé émíɖée ɖó Mawu há jí kpó hlɔ̌nhlɔ́n kpó ǎ. É nyɔ́ wa ɔ́, é ɖésúnɔ ɔ́ gbɛ́ nǔ e é ɖó ɔ́ bǐ, bó zé ninɔmɛ mɛsɛntɔ́ tɔn. É húzú gbɛtɔ́, bó wá ɖi gbɛtɔ́ yǎyá kpowun ɖé ɖɔhun. É yí gbe bó sɔ́ éɖée hwe, bó se tónú nú Mawu káká yi kú; aklúzu jí wɛ é kú ɖe lɔ .

Đó Mawu ɖo azɔ̌ wa ɖo mi wú wɛ tɛgbɛ, bónú mi ná sixú nɔ ɖó jló, bó ná nɔ wa nǔ e sɔgbe xá tito é ɖésúnɔ tɔn é.

Énɛ́ ɔ́ wú wɛ Mawu sɔ́ ɛ su, bó sɔ́ ɛ ɖó tɛn e nyí ɖaxó bǐ ɔ́ mɛ, lobo ná ɛ nyǐkɔ e hú gǎn nyǐkɔ ɖě lɛ́ɛ bǐ é, bónú è ylɔ̌ Jezu sín nyǐkɔ hweɖěbǔnu ɔ́, mɛ e ɖo jǐxwé lɛ́ɛ bǐ, kpó mɛ e ɖo ayǐkúngban jí lɛ́ɛ bǐ kpó, kpódó mɛ e ɖo ayǐkúngban glɔ́ lɛ́ɛ bǐ kpán ná jɛ kpo kpó sísí kpó, bónú mɛ bǐ ná jlá ɖɔ Jezu Klísu wɛ nyí Aklúnɔ; énɛ́ ɔ́ wɛ ná sɔ́ Mawu Tɔ́ ɔ́ su.

Mi wa nǔ bǐ; mi ma húnhún nǔ ɖɔ ɖo nǔ e wa wɛ mi ɖe lɛ́ɛ ɖě kɔn ó, mi ma ka dɔn nǔ ɖo ɖě kɔn ó; énɛ́ ɔ́, mi ná nyí xomɛvɔ́nɔ, bó ná nyí mɛ mímɛ́, lobo ná nyí Mawu ví maɖóblɔ̌ɖowǔ ɖo gbɛtɔ́ nyanya, ayigɛ́dɛ́gɛ́dɛ́nɔ gbɛmɛ fí tɔn lɛ́ɛ tɛ́ntin. Mi ɖó ná nɔ kɔ́n ɖo tɛ́ntin yětɔn sunví ɖɔhun

Énɛ́ ɔ́, mɛvívɛ́ná ce lɛ́ɛ mi, hwenu e un ɖo kpɔ́ xá mi ɔ́, mi nɔ se tónú nú mì tɛgbɛ; din e un ma ka sɔ́ ɖo kpɔ́ xá mi ǎ ɔ́, é lɛ́ ɖo tají ɖɔ mi ní lɛ́ se tónú nú mì. Mi wa azɔ̌ kpó xɛsi kpó, kpódó sísɔ́sísɔ́ kpán nú hwlɛngán mitɔn ná nyí hwlɛngán kpíkpé.