Popular Bible Verses from Filípunu 1

Share

Un gán jɛ nǔ élɔ́ wú: Mawu e bɛ́ azɔ̌ ɖagbe énɛ́ ɖo tɛ́ntin mitɔn ɔ́ ná ɖ'é wú, káká bɔ é ná fó ɖo gbe e gbe Jezu Klísu ná lɛ́ kɔ wá dó é.

Đɛ e un nɔ xo nú mi ɔ́ ɖíe: un nɔ byɔ́ Mawu ɖɔ é ní bló bónú wǎn e mi yí nú miɖée ɔ́ ní ɖo jijɛ jí wɛ, bónú mi ní tunwun nǔ ganjí, bó ɖó nukúnnú-mɔjɛnǔmɛ titewungbe. Énɛ́ ɔ́, mi ná sixú tunwun nǔ e nyí nǔ ɖagbe ɔ́ bó sɔ́ bó ná nyí mɛ mímɛ́, bɔ hwenu e Klísu ná lɛ́ kɔ wá ɔ́, è nǎ mɔ nǔɖé ɖɔ dó mi wú ǎ.

Đó nyɛ ɔ́, gbɛ ce ɔ́, Klísu wɛ, bɔ kú nyí le nú mì.

Nú un flín mi hweɖěbǔnu ɔ́, un nɔ dó kú nú Mawu ɖó mi bǐ ta mɛ.

Nǔ e mi ná wa kpowun ɔ́ wɛ nyí ɖɔ mi ní zán gbɛ mitɔn lě e Wɛn Ɖagbe Klísu tɔn ɔ́ zɔ́n gbɔn é. Énɛ́ wú ɔ́, nú un wá mi gɔ́n oo, abǐ un gɔn mi gɔ́n oo, má se ɖɔ mi syɛ́nlǐn, bó ɖó linlin ɖokpó ɔ́, lobo zé ayixa ɖokpó ɔ́ dó ɖo ahwan fun ɖó kpɔ́ wɛ, nú nǔɖiɖi e Wɛn Ɖagbe ɔ́ nɔ na mɛ é.

Nǔgbó ɔ́, un ɖo te, bó ɖo nukún ɖó wɛ syɛ́nsyɛ́n ɖɔ nǔ ɖěbǔ ní ma zɔ́n, bónú winnyá hu mì ó. É nyɔ́ wa ɔ́, din kpódó hwe lɛ́ɛ bǐ nu kpó ɔ́, un ɖó gǎnjɛwú syɛ́nsyɛ́n ɖɔ un ɖo gbɛ oo, un ɖo kú oo, un ná sɔ́ nyɛɖée bǐ dó ɖe susu tɔn xlɛ́.

Đó Mawu wa ɖagbe nú mi, bɔ mi ná sɛn Klísu; é nyí mi ná ɖi nǔ n'i kpowun wɛ ǎ, lo ɔ́, mi ná ji ya lɔmɔ̌ ɖó ta tɔn mɛ.