Popular Bible Verses from Jozuwée 6

Share

Mawu Mavɔmavɔ ká ɖɔ nú Jozuwée ɖɔ: “Kpɔ́n, un ná jó Jeliko toxo ɔ́ nú we, bó ná jó axɔ́sú e kpa acɛ ɖo toxo ɔ́ mɛ ɔ́ kpó ahwanfuntɔ́ toxo ɔ́ tɔn lɛ́ɛ kpó nú we.

Hwenu e lanzo ɔ́ ná ɖo nǔ ɖɔ wɛ magbokɔ bɔ mi ná se ɔ́, togun ɔ́ ná sú xó ɖaxó ɖé. Énɛ́ ɔ́, dǒ e è mɛ lɛ́ lɛ̌ dó toxo ɔ́ lɛ́ɛ ná mu. Hwe énɛ́ ɔ́ nu ɔ́, mi bǐ ná byɔ́ toxo ɔ́ mɛ; fí e mɛ ɖokpó ɖokpó kpan nukɔn ɔ́, mɛ ɔ́ ná zɔn mɔ̌ tlélé byɔ́ toxo ɔ́ mɛ.”

Hwi kpódó ahwanfuntɔ́ towe lɛ́ɛ bǐ kpó ná nɔ́ ɖi zɔnlin lɛ́ lɛ̌ dó toxo ɔ́ azɔn ɖokpó gbe ɖokpó, káká nú azǎn ayizɛ́n.

Vɔ̌sánú-xwlémawutɔ́ tɛ́nwe ná jɛ nukɔn nú akɔjijɛgbá ɔ́. Yě mɛ ɖokpó ɖokpó ná hɛn lanzo ɖokpó ɖokpó. Azǎn tɛ́nwegɔ́ ɔ́ gbe ɔ́, mi ná lɛ́ lɛ̌ dó toxo ɔ́ azɔn tɛ́nwe, bɔ vɔ̌sánú-xwlémawutɔ́ lɛ́ɛ ná kún lanzo.

È sú hɔntogbó Jeliko tɔn lɛ́ɛ bǐ dó Izlayɛ́li ví lɛ́ɛ kpánwúnkpánwún, bó ján bǐ. Mɛ ɖěbǔ sixú byɔ́ to ɔ́ mɛ ǎ, mɛ ɖěbǔ ká sixú tɔ́n ǎ.

Ée yě ɖo lɛ̌ lɛ́ dó toxo ɔ́ wɛ azɔn tɛ́nwegɔ́ ɔ́, bɔ vɔ̌sánú-xwlémawutɔ́ lɛ́ɛ ɖo lanzo kún wɛ ɔ́, Jozuwée ɖɔ nú togun ɔ́ ɖɔ: “Mi sú xó! Mawu Mavɔmavɔ kó jó toxo ɔ́ nú mi.

È nǎ gba toxo ɔ́, bó ná hɛn nǔ e ɖ'é mɛ lɛ́ɛ bǐ gblé, ɖó Mawu Mavɔmavɔ wɛ è sɔ́ ɖ'ayǐ ná. Hlaxábu agalɛtɔ́ ɔ́ kɛ́ɖɛ́, kpó mɛ e ɖo xwé tɔn gbe lɛ́ɛ bǐ kpó wɛ è nǎ jó dó, ɖó é wɛ sɔ́ dobanúnǔtɔ́ e mǐ sɛ́ dó lɛ́ɛ hwlá.