Popular Bible Verses from Eblée 13

Share

Mi ma jó miɖée dó nú wǎn yíyí nú akwɛ́ ɖu ɖo mi jí ó; nǔ e ɖo mi sí ɔ́ ní kpé mi, ɖó Mawu ɖɔ: “Un ná jó we dó gbeɖé ǎ; un ná ɖe alɔ sín kan towe mɛ gbeɖé ǎ.

Jezu Klísu ɔ́, nǔ e é nyí sɔ ɔ́ jɛ́n é lɛ́ nyí égbé, bó ná lɛ́ nyí káká sɔ́yi.

Énɛ́ ɔ́ wú wɛ mǐ hɛn ɔ́, mǐ ná ɖɔ kpódó jiɖiɖe kpó ɖɔ Aklúnɔ wɛ nyí mɛ e nɔ d'alɔ mǐ é. Un ná ɖi xɛsi nú nǔɖé ǎ. Étɛ́ mɛɖé ka sixú wa nú mì.”

Mi ma wɔn bó gɔn ɖagbe wa ó; mi ma wɔn bó gɔn nǔ e ɖo mi sí lɛ́ɛ má xá miɖée ó, ɖó vɔ̌sísá mɔ̌hunkɔtɔn lɛ́ɛ wɛ nɔ́ nyɔ́ Mawu nukún mɛ.

Mi nú mǐ ná kpa susu nú Mawu dó sá vɔ̌ n'i hwebǐnu gbɔn Jezu jí; é wɛ nyí ɖɔ mǐ ní nɔ sɔ́ nu mǐtɔn dó kpa susu nú nyǐkɔ tɔn ɖo togun mɛ agbawungba.

Asi dida abǐ asú dida ní nyí nǔsísí; asú kpó asi kpó ní nɔ gbejí nú yěɖée. Mawu ná ɖó hwɛ nú mɛ e nɔ ɖo nǔblíblí wa wɛ lɛ́ɛ kpódó mɛ e nɔ ɖo aga lɛ wɛ lɛ́ɛ kpó.

Mi flín ɖɔ mi ɖó ná nɔ yí yě mɛ e nɔ wá ba jǒnɔ mi lɛ́ɛ é ganjí, ɖó mɛɖé lɛ́ɛ tíin bó ɖo nǔ wa gbɔn mɔ̌ wɛ, bó yí wɛnsagun Mawu tɔn lɛ́ɛ dó xwé gbe cóbó dán ɛ.

Mawu fífánɔ ɔ́ fɔ́n lɛ̌ngbɔ́nyitɔ́ ɖaxó Aklúnɔ mǐtɔn Jezu sín mɛkúkú lɛ́ɛ mɛ gbɔn hun akɔjijɛ mavɔ mavɔ ɔ́ tɔn gbla mɛ ɔ́, ní bló bónú mi ná kpé nǔ ɖagbe bǐ wú bó wa, bó dó wa jlǒ tɔn; ní bló nǔ e nyɔ́ nukún tɔn mɛ lɛ́ɛ ɖo mǐ mɛ gbɔn Jezu Klísu jí. Susu nú Jezu Klísu káká sɔ́yi mavɔ mavɔ. Amǐ!