Popular Bible Verses from Eblée 12

Share

Mǐ lɔmɔ̌ ɔ́, mɛ tobutóbú énɛ́ lɛ́ɛ e ɖe nǔɖiɖi yětɔn xlɛ́ lɛ́ɛ lɛ́ lɛ̌ dó mǐ; hǔn, mǐ ní jó nǔ e nɔ dó tagba nú mǐ ɖo Aklúnɔ lixo ɔ́ bǐ dǒ, bó jó hwɛhuhu e é ma vɛ́ wǔ ná ɖɔ é ní tɛ́ dó mǐ wú ǎ é dó. Mǐ ní dɛ ɖo wezun e è sɔ́ ɖó te nú mǐ bɔ mǐ ɖo kínkán wɛ ɔ́ nu. Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

Hwenu e è nɔ ɖo mǐ kplɔ́n wɛ tlóló ɔ́, aluwɛ sín nǔ wɛ é nɔ nyí nú mǐ; é nɔ nyí awǎjijɛnú nú mǐ ǎ. É ka wá yá ɔ́, mɛ e è kplɔ́n gbɔn mɔ̌ lɛ́ɛ nɔ mɔ le e ɖ'é mɛ é; le ɔ́ wɛ nyí fífá e è nɔ mɔ ɖo gbɛ jlɔ́jlɔ́ zínzán mɛ é.

Mi dó gǎn, bó nɔ fífá mɛ xá mɛ bǐ, bó zán gbɛ mímɛ́; ɖó, nú mɛɖé ma wa nǔ gbɔn mɔ̌ ǎ ɔ́, é ná sixú mɔ Aklúnɔ ǎ.

Mi flín lě e é dɛ ɖo gǔ mɔ̌hunkɔtɔn e hwɛhutɔ́ lɛ́ɛ fɔ́n dó jǐ tɔn ɔ́ nu gbɔn é, bónú awakanmɛ ma kú mi, nú nǔ ci kɔ nú mi ó

Hǔn, mi nú mǐ ná tunwun nǔ e Mawu wa nú mǐ ɔ́ n'i; ɖó é ɖo axɔ́súɖuto e ma sixú húnhún ǎ é ná mǐ wɛ. Mi nú mǐ ná sɛn ɛ lě e mǐ ná sɛn ɛ gbɔn, bɔ é ná nyɔ́ nukún tɔn mɛ é kpó sísí kpó, kpódó xɛsi kpó, bó ná dó ɖe xlɛ́ ɛ ɖɔ mǐ tunwun nǔ e é wa nú mǐ ɔ́ n'i.

Mi dɛ ɖo ya e ji wɛ mi ɖe lɛ́ɛ nu, tɔ́ wɛ ɖo vǐ kplɔ́n wɛ ɖɔhun; nǔgbó ɔ́, ya énɛ́ lɛ́ɛ ɖe xlɛ́ ɖɔ Mawu ɖo mǐ hɛn wɛ vǐ ɖɔhun; ɖó vǐ tɛ́ wɛ tɔ́ tɔn ma nɔ kplɔ́n ǎ?

Đó Mawu mǐtɔn ɔ́, myɔ e nɔ hɛn nǔ gblé ɔ́ wɛ é nyí.

Tɔ́ mǐtɔn ayǐkúngban jí tɔn lɛ́ɛ nɔ kplɔ́n mǐ nú hwenu kpɛɖé, lě e yě mɔ ɖɔ é sɔgbe gbɔn é. Lo ɔ́, Mawu nɔ kplɔ́n mǐ ɖó ɖagbe mǐ ɖésúnɔ tɔn wú, bónú mǐ ná sixú ɖó ɖo mǐmá Mawu tɔn mɛ.

ɖó ahwan e fun xá hwɛhuhu wɛ mi ɖe ɔ́, mi ko fun káká yi kú ǎ.