Popular Bible Verses from Efɛ́zinu 5

Share

Vǐ vívɛ́ná wɛ mi nyí nú Mawu; énɛ́ ɔ́ wútu ɔ́, mi ɖó ná dó gǎn, bó wa nǔ é ɖɔhun. Mi wa azɔ̌ kpódó wǎn yíyí kpó Klísu ɖɔhun. Klísu e yí wǎn nú mǐ bó sɔ́ éɖée jó dó ta mitɔn mɛ vɔ̌sánú ɖɔhun, vɔ̌sísá wǎn ɖagbenɔ e nɔ nyɔ́ Mawu nukún mɛ é ɖɔhun.

Hǔn mi bo cɔ́ miɖée ganjí dó gbɛ e zán wɛ mi ɖe ɔ́ wú. Mi ma zán gbɛ mitɔn xlonɔ ɖɔhun ó; lo ɔ́, mi zán gbɛ mitɔn nǔnywɛ́tɔ́ ɖɔhun. Mi hwlɛndó hwenu lɛ́ɛ, bó wa nǔ; ɖó hwenu e mǐ ɖe ɔ́ nyɔ́ ǎ.

Mi ma nu ahan mú ó; ahan nu díngan wɛ nɔ zɔ́n bɔ gbɛ mɛtɔn nɔ gblé; lo ɔ́, Yɛsinsɛn ní gɔ́ ayi mitɔn mɛ. Mi ji han tɛnmɛ tɛnmɛ dó dó wǔsyɛ́n lanmɛ nú miɖée, bó lɛ́ ji dó kpa Aklúnɔ kpódó ayixa mitɔn bǐ kpó. Mi dó kú nú Mawu Tɔ́ ɔ́ ɖó nǔ bǐ tamɛ hwebǐnu ɖo Aklúnɔ mitɔn Jezu Klísu sín nyǐkɔ mɛ.

Énɛ́ ɔ́ wútu ɔ́, mi ma wa nǔ mɛ e ma ɖó ayi xomɛ ǎ é ɖɔhun ó; lo ɔ́, mi tɛ́nkpɔ́n bó tunwun nǔ e Aklúnɔ jló ɖɔ mi ní wa é.

Súnnu lɛ́ɛ mi, mi yí wǎn nú asi mitɔn lɛ́ɛ, lě e Klísu yí wǎn nú agun ɔ́ gbɔn káká bó sɔ́ éɖée jó dó ta tɔn mɛ é.

Đ'ayǐ ɔ́, ablu mɛ wɛ mi ɖe; amɔ̌ din e mi ɖo bǔ xa Aklúnɔ ɔ́, mi ɖo wěziza mɛ; énɛ́ ɔ́ wú ɔ́, mi nɔ zán gbɛ mitɔn mɛ e nyí wěziza tɔn é ɖɔhun.

Mi nɔ hwíhwɛ́ miɖée ɖo miɖée glɔ́, ɖó sísí e mi ɖó nú Klísu ɔ́ wú.

Nyɔ̌nu lɛ́ɛ mi, mi nɔ hwíhwɛ́ miɖée ɖó asú mitɔn lɛ́ɛ glɔ́, lě e mi nɔ hwíhwɛ́ miɖée ɖó Aklúnɔ glɔ́ gbɔn é.

É ka lɛ́ ɖo xó ɖɔ dó mǐ lɔmɔ̌ wú wɛ: súnnu ɖokpó ɖokpó ɖó ná yí wǎn nú asi tɔn é ɖésúnɔ ɖɔhun; nyɔ̌nu ɖokpó ɖokpó ɖó ná sí asú tɔn.

Đó Mawuxó ɔ́ ɖɔ: “Énɛ́ ɔ́ wú wɛ súnnu ná jó tɔ́ tɔn kpódó nɔ tɔn kpó dó, bó ná jɛ kpɔ́ xá asi tɔn, bɔ yě mɛ we lɛ́ɛ bǐ ná húzú ɖokpó géé.”

Mi ma nɔ wa nǔ nyanya e mɛ e ɖo ablu mɛ lɛ́ɛ nɔ wa é ɖě ó; lo ɔ́, mi ɖe nǔ énɛ́ ɔ́ lɛ́ɛ gba ɖo wěziza nu.