Popular Bible Verses from Efɛ́zinu 6

Share

Đó gbɛtɔ́ lɛ́ɛ ná fun ahwan xá wɛ mi ɖe ǎ; lo ɔ́, nǔɖoyɛswímɛ nyanya e ɖo jǐnukúnsin kpó ayǐkúngban kpó tɛ́ntin, acɛkpikpa lɛ́ɛ, hlɔ̌nhlɔ́n lɛ́ɛ kpódó gǎn gbɛ élɔ́ mɛ tɔn e mǐ ma nɔ́ mɔ ǎ lɛ́ɛ kpó wɛ mi ɖó ná fun ahwan xá.

Mi ná nɔ xo ɖɛ tɛnmɛ tɛnmɛ, bó ná nɔ sa vo nú Mawu gbɔn Yɛsinsɛn jí hwebǐnu. Mi nɔ́ nɔ acéjí, bó nɔ́ ɖó kan d'é wú titewungbe, lobo nɔ xo ɖɛ nú mɛɖeɖóvo Mawu tɔn lɛ́ɛ bǐ.

Mi fɔ ahwanfunnú e Mawu ná mi lɛ́ɛ bǐ kplá, bó ná sixú nɔ te ɖo mɔ e awǒvi nɔ ɖó nú mɛ lɛ́ɛ nukɔn.

Énɛ́ ɔ́ wútu ɔ́, mi ní fɔ ahwanfunnú e Mawu ná mi lɛ́ɛ bǐ kplá din; énɛ́ ɔ́, azǎn nyanya ɔ́ gbé wá su ɔ́, mi ná sixú nɔ te ɖo kɛntɔ́ nukɔn, bɔ hwenu e mi ná fun ahwan ɔ́ fó ɔ́, mi ná lɛ́ kpo ɖo acéjí.

Nǔɖiɖi ní nyí gǎglónú nú mi, bónú mi nɔ sɔ́ hɛn tɛgbɛ, bó ná dó xo gǎ myɔnɔ e kɛntɔ́ ná da dó mi ɔ́ cí. Hwlɛngán ní nyí gangbákún ɖo ta nú mi, bónú Mawuxó ɔ́ ní nyí hwǐ e Yɛsinsɛn sɔ́ dó alɔ mɛ nú mi é.

Hǔn mi bó ɖo acéjí. Nǔgbó ní nyí gǒjíblánú ɖo alin mitɔn; hwɛjijɔ ní nyí ganwu nú mi dó. Kan ɖó dó Wɛn Ɖagbe e nɔ ná fífá mɛ ɔ́ jlájlá wú ní nyí afɔkpa ɖo afɔ mitɔn.

Nǔ e kpo bɔ un ná ɖɔ nú mi é ɖíe: mi ba hlɔ̌nhlɔ́n mitɔn ɖo bǔ e mi ɖe ɖo Aklúnɔ mɛ ɔ́ mɛ, bó ba ɖo hlɔ̌nhlɔ́n tɔn e kpé nǔ bǐ wú é mɛ.

Sɛ́n nukɔntɔn e Mawu dó, bó dó akpá d'é jí ɔ́ wɛ nyí: “Sí tɔ́ towe kpódó nɔ towe kpó, bónú gbɛ ná nyɔ́ nú we, bɔ a nǎ dɔ́ ji ɖo ayǐkúngban jí fí.”

Vǐ lɛ́ɛ mi, azɔ̌ e nyí azɔ̌ mitɔn bó sɔgbe bɔ mi ná wa ɖo Aklúnɔ nukɔn ɔ́ wɛ nyí ɖɔ mi ná se tónú nú mɛ e ji mi lɛ́ɛ.