Popular Bible Verses from Kolósinu 3

Share

Mi nɔ mɔ miɖée gbɔ; ényí mɛɖé wa nǔ nyi do nú mɛɖé ɖo mi mɛ hweɖěbǔnu hǔn, mi nɔ sɔ́ kɛ miɖée. Mi ɖó ná nɔ sɔ́ hwɛ kɛ miɖée lě e Aklúnɔ sɔ́ kɛ mi é ɖɔhun.

Nǔ e nyí sɛ́xwé tɔn lɛ́ɛ ní nɔ́ myá nukún nú mi; ée nyí ayǐkúngban jí tɔn lɛ́ɛ wɛ ná nɔ myá nukún nú mi ǎ.

É ná bó nyí azɔ̌ ɖěbǔ wa wɛ mi ɖe hǔn, mi wa kpódó ayixa mitɔn bǐ kpán, Aklúnɔ wa azɔ̌ ná wɛ mi ɖe ɖɔhun; é nyí gbɛtɔ́ lɛ́ɛ wa ná wɛ mi ɖe ǎ.

Mɛɖeɖóvo Mawu tɔn wɛ mi nyí. Mɛvívɛ́ná Mawu tɔn wɛ mi nyí, bɔ é sɔ́ mi, bónú mi ná nyí étɔn. Énɛ́ ɔ́ wútu wɛ mi ɖó ná sɔ́ nǔbláwǔkúnúmɛ, xomɛnyínyɔ́, mɛɖéesɔ́hwe, xomɛfífá kpó suúlu kpó dó awu ɖɔhun.

Klísu sín xó ɔ́ kpódó dɔkun e ɖ'é mɛ ɔ́ bǐ kpán ní nɔ ayi mitɔn mɛ. Mi nɔ sɔ́ nǔnywɛ́ kpíkpé dó kplɔ́n nǔ miɖée, bó nɔ dó gbɛ́ nǔ nú miɖée. Mi ná nɔ zé kúdónúmɛ sín ayixa dó ji han tɛnmɛ tɛnmɛ lɛ́ɛ nú Mawu. Mi nɔ wa nǔ e wa wɛ mi ɖe lɛ́ɛ bǐ ɖo Aklúnɔ Jezu sín nyǐkɔ mɛ; mi nɔ ɖɔ xó e ɖɔ wɛ mi lɛ́ɛ bǐ ɖo Aklúnɔ Jezu sín nyǐkɔ mɛ, bó nɔ dó kú nú Mawu Tɔ́ ɔ́ gbɔn jǐ tɔn.

Mi sɔ́ wǎn yíyí gbá dó nǔ énɛ́ lɛ́ɛ bǐ jí; ɖó wǎn yíyí ɔ́ wɛ nɔ dɔn nǔ énɛ́ lɛ́ɛ bǐ cá, bɔ yě nɔ́ nɔ bǔ ganjí.

Mawu kó fɔ́n mi sín kú kpó Klísu kpó. Hǔn mi bo ba nǔ e ɖo sɛ́xwé lɛ́ɛ; fínɛ́ wɛ Klísu jínjɔ́n ɖisíxwé nú Mawu ɖe.

Fífá Klísu tɔn ní ɖu gǎn ɖo ayi mitɔn mɛ; nǔgbó ɔ́, fífá énɛ́ ɔ́ wú wɛ Mawu ylɔ́ mi ɖó kpɔ́, bɔ mi nyí wǔjɔnú agbaza ɖokpó géé tɔn. Énɛ́ ɔ́ wú ɔ́, mi tunwun nǔ e Mawu wa nú mi ɔ́ n'i.

Hǔn, mi bo sú nǔ e nyí ayǐkúngban jí tɔn ɖo ayi mitɔn mɛ lɛ́ɛ sín kún dó; nǔ énɛ́ lɛ́ɛ wɛ nyí: agalilɛ, nǔblíblíwiwa, jlǒ agbaza tɔn lɛ́ɛ, linlin nyanya lɛ́ɛ kpó nukúnkɛndídó kpó, ɖó nukúnkɛndídó ɔ́ cí bǒcyɔ sinsɛn ɖɔhun.

Đó mi kú, bɔ gbɛ mitɔn kpó Klísu tɔn kpó ɖo hwlǎhwlá ɖo Mawu mɛ.

Amɔ̌ din ɔ́, mi jó nǔ élɔ́ lɛ́ɛ bǐ wiwa dó: mi ma nɔ sin xomɛ ó; mi ma nɔ dó xomɛsin nú mɛ ó; mi ma nɔ nylá hun ó; mi ma nɔ zun mɛ ó, abǐ xó gblégblé ɖé ní ma nɔ tɔ́n sín nu mitɔn mɛ ó.

Mi ma nɔ ɖó nǔvú nú miɖée ó, ɖó mi ko ɖe gbɛtɔ́ xóxó e mi nyí ɖ'ayǐ ɔ́ kpódó walɔ tɔn lɛ́ɛ bǐ kpán nyi ayǐ; bɔ mi sɔ́ ninɔmɛ yɔ̌yɔ́ ɔ́ dó; ninɔmɛ gbɛtɔ́ yɔ̌yɔ́ tɔn; gbɛtɔ́ yɔ̌yɔ́ énɛ́ nɔ ɖo hǔzúhúzú wɛ ayǐhɔ́ngbe ayǐhɔ́ngbe, bó ná cí Mawu e ɖó e ɔ́ ɖɔhun, bó ná tunwun i céɖécéɖé.

Súnnu lɛ́ɛ mi, mi yí wǎn nú asi mitɔn lɛ́ɛ; mi ma nylá hun dó yě ó.

Vǐ lɛ́ɛ mi, mi se tónú nú mɛjitɔ́ mitɔn lɛ́ɛ ɖo nǔ bǐ mɛ, ɖó nǔ e nɔ nyɔ́ Aklúnɔ nukún mɛ é nɛ́.

Nyɔ̌nu lɛ́ɛ mi, mi ní hwíhwɛ́ miɖée ɖo asú mitɔn lɛ́ɛ glɔ́, lě e é jɛ xá ɖɔ è nǐ bló gbɔn ɖo bǔ e mi ɖe xá Aklúnɔ ɔ́ mɛ é.