Popular Bible Verses from 2 Timɔtée 2

Share

Dǒ gǎn bó sɔ́ hwiɖée jó nú Mawu, bó ná nyí mɛ e é jɛ xá ɖɔ Mawu ná sixú ɖe gbě ná é, bó ná nyí azɔ̌watɔ́ e winnyá ma ná hu dó azɔ̌ e é wa lɛ́ɛ wú ǎ é; azɔ̌watɔ́ e nɔ jlá nǔgbó wɛn ɔ́ ganjí é.

Hɔn nú jlǒ nyanya e mɛwínnyáwínnyá lɛ́ɛ nɔ ɖó lɛ́ɛ, bónú hwi kpódó mɛ e nɔ xomlá Aklúnɔ kpódó ayi mímɛ́ kpó lɛ́ɛ ní ba nǔjlɔ́jlɔ́wiwa, nǔɖiɖi, wǎn yíyí kpódó fífá kpó.

Aklúnɔ sín mɛsɛntɔ́ ka ɖó ná ɖɔ jlɛ ǎ; é nyɔ́ wa ɔ́, mɛ bǐ wɛ é ɖó ná dɔn dó wǔ; é ɖó ná nyí mɛɖé bó ná sixú kplɔ́n nǔ mɛ; é ɖó ná nɔ kú hǔn.

Ényí mǐ ma nɔ gbejí ǎ ɔ́, éyɛ́ ɖo gbejí tɛgbɛ; ɖó é sixú gbɛ́ ɖɔ émí kún nyí nǔ e émí nyí ɔ́ ó ǎ.”

É ɖó ná nɔ sɔ́ xomɛ fífá dó kplɔ́n nǔ mɛ e ma ɖo xó ɖokpó ɔ́ ɖɔ xá ɛ wɛ ǎ lɛ́ɛ; afɔ nyɔ́ ɔ́, Mawu ná bló bɔ yě ná lɛ́ kɔ sín hwɛ yětɔn lɛ́ɛ gúdo, bó ná mɔ nukúnnú jɛ nǔgbó ɔ́ wú.

Jǒ xógbló kpódó xó e ma sɔgbe xá Mawuxó ɔ́ ǎ lɛ́ɛ kpó dó; ɖó mɛ e nɔ ɖɔ xó énɛ́ lɛ́ɛ é fɔ́n tɛgbɛ ɔ́, yě ná nɔ ɖo zɔ sɛ yi nú Mawu wɛ