Popular Bible Verses from 2 Timɔtée 1

Share

Ényí xɛsiɖiɖi sín yɛ wɛ Mawu ná mǐ ǎ; lo ɔ́, hlɔ̌nhlɔ́n kpódó wǎn yíyí kpó, kpódó mɛ ɖésúnɔ jí ɖu ɖe kpó sín yɛ wɛ é ná mǐ.

É wɛ hwlɛ́n mǐ gán, bó ylɔ́ mǐ nú mǐ ná nyí mɛɖeɖóvo tɔn; é ká nyí nǔ e mǐ nɔ wa lɛ́ɛ wútu wɛ é ylɔ́ mǐ ǎ; lo ɔ́, tito é ɖésúnɔ tɔn kpódó fɛ́nú tɔn kpó wú wɛ é ylɔ́ mǐ. É ko ná fɛ́nú énɛ́ mǐ ɖo bǔ e mǐ ɖe ɖo Klísu Jezu mɛ cóbɔ gbɛ ɔ́ wá tíin é mɛ.

Énɛ́ ɔ́ wú wɛ un ɖo flínflín we wɛ ɖɔ hwi ní hɛn nǔníná e Mawu ná we hwenu e un ɖó alɔ jǐ towe ɔ́ ɖó gbɛ.

Hǔn kúnnu ɖe nú Aklúnɔ mǐtɔn ní má nɔ́ hu winnyá nú we ó. Winnyá ní ma ka lɛ́ hu we dó nyɛ mɛ e nyí gantɔ́ ɖó Klísu tamɛ é wú ó; é nyɔ́ wa ɔ́, ji ya e nyí towe ɔ́ dó Wɛn Ɖagbe ɔ́ tamɛ lě e Mawu ná hlɔ̌nhlɔ́n tɔn we gbɔn é.

Énɛ́ ɔ́ wú wɛ un ɖo ya élɔ́ lɛ́ɛ ji wɛ; é ka hu winnyá nú mì ǎ; ɖó un tunwun mɛ e un ɖi nǔ ná é, bó ka ɖó jiɖiɖe ɖɔ é ɖó hlɔ̌nhlɔ́n e ná hɛn nǔ e é sɔ́ dó así nú mǐ ɔ́ káká jɛ azǎn énɛ́ ɔ́ gbe.