Popular Bible Verses from 2 Tɛsalonikinu 2

Share

Mi ma lɔn nú mɛɖé blɛ́ mi gbɔn alɔkpa ɖěbǔ mɛ ó, ɖó azǎn énɛ́ ná ko wá cóbɔ gǔfínfɔ́n gǔdo gúdo tɔn ɔ́ na wá yi ǎ; é ná ko wá cóbɔ Mɛdídá e sín kún è nǎ sú dó ɔ́ ná tɔ́n jɛ wěxo ǎ.

Nɔví lɛ́ɛ mi, mi mɛ e Aklúnɔ yí wǎn ná lɛ́ɛ ɔ́, mǐ ɖó ná nɔ dó kú nú Mawu hwebǐnu ɖó ta mitɔn mɛ. Đó Mawu sɔ́ mi, bónú mi ná nyí mɛ nukɔn nukɔntɔn e é ná hwlɛngán, gbɔn Yɛsinsɛn e zɔ́n bɔ mi nyí étɔn ɔ́ kpódó nǔɖiɖi e mi ɖó nú nǔgbó ɔ́ kpán jí.

É ná lɔn bónú gbɛtɔ́ lɛ́ɛ sɔ́ ná sɛn nǔ e yě nɔ sɛn lɛ́ɛ ɖě ǎ; yě ká sɔ́ ná sɛn nǔ e yě nɔ dó ɖó Mawu ná ɔ́ ɖě ǎ. É ná sɔ́ éɖée ɖó aga, nú nǔ énɛ́ lɛ́ɛ bǐ, bó ná hun káká yi byɔ́ sinsɛnxɔ Mawu tɔn mɛ, bó na jínjɔ́n ayǐ, lobo ná jlá ɖɔ émí nyí Mawu.

Aklúnɔ mǐtɔn Jezu Klísu ɖésúnɔ kpódó Mawu Tɔ́ mǐtɔn e yí wǎn nú mǐ ɔ́ kpó, ní bló bónú mi ní kpan akɔ́n titewungbe; ní ná hlɔ̌nhlɔ́n mi, bónú mi ná nɔ́ wa nǔ e ko nyí nǔ ɖagbe ɔ́ bǐ, ɖo nǔwiwa mitɔn lɛ́ɛ kpódó xóɖiɖɔ mitɔn lɛ́ɛ kpán mɛ. Mawu wɛ na akɔ́nkpinkpan mavɔ mavɔ kpó nukúnɖíɖó ɖagbe kpó mǐ gbɔn fɛ́nú tɔn jí.

Nǔ e wú wɛ Mawu sɛ́ hlɔ̌nhlɔ́n e nɔ dɔn mɛ, bɔ è nɔ wa nǔ nyi do ɔ́ dó yě, bónú yě ná nɔ ɖi nǔ nú adingban ɔ́ nɛ́.

Mɛdídá ɔ́ ná wá kpó Satáan sín hlɔ̌nhlɔ́n kpó, bó ná jlɛ́ nǔ tɛnmɛ tɛnmɛ, bó ná ɖe wuntun tɛnmɛ tɛnmɛ lɛ́ɛ xlɛ́, lobo ná bló nǔjíwǔ tɛnmɛ tɛnmɛ lɛ́ɛ; nǔ énɛ́ lɛ́ɛ ɖě ká nyí nǔgbó ǎ. É ná wa nǔ nyanya gbɔn alɔkpa bǐ mɛ, bó ná dó blɛ́ mɛ e ná dɔn lɛ́ɛ ná; yě ná dɔn, ɖó nǔgbó e ná hwlɛ́n yě gán ɔ́, yě yí ǎ; yě ká yí wǎn ná ǎ.

Dǎnúwiwa sín hlɔ̌nhlɔ́n e ɖo wi mɛ ɔ́ ko ɖo azɔ̌ wa wɛ. Cóbónú nǔ énɛ́ lɛ́ɛ ka ná jɛ ɔ́, mɛ e hɛn Mɛdídá ɔ́ ɖó te ɔ́ jɛ́n ná gosín i hwɛ̌.