Popular Bible Verses from 2 Tɛsalonikinu 3

Share

Lo ɔ́, Aklúnɔ ɔ́, gbejínɔtɔ́ wɛ; é ná ná hlɔ̌nhlɔ́n mi, bó ná cyɔ́n alɔ mi jí, bɔ awǒvi ná kpé mi wú ǎ.

Aklúnɔ ní wa azɔ̌ ɖo ayixa mitɔn mɛ, bónú mi ná yí wǎn nú Mawu bó ná ɖó hǔnkúkú e Klísu nɔ ná mɛ é.

Nɔví lɛ́ɛ mi, mǐ ɖo byɔ̌byɔ́ mi wɛ ɖo Aklúnɔ Jezu Klísu sín nyǐkɔ mɛ ɖɔ mi nɔ nɔ zɔ nú nɔví mǐtɔn e nɔ nɔ fɔnlín gbɛ mɛ, bó ma nɔ jló ná wa nǔɖé ǎ, bó ma nɔ xwedó nǔ e mǐ kplɔ́n yě ɔ́ ǎ lɛ́ɛ bǐ.

Mi lɛ́ xo ɖɛ nú mǐ, bónú Mawu ná hwlɛ́n mǐ ɖo mɛdídá lɛ́ɛ kpódó mɛ nyanya lɛ́ɛ kpó sí; ɖó mɛ bǐ wɛ ɖi nǔ nú Wɛn Ɖagbe ɔ́ ǎ.