Popular Bible Verses from 1 Timɔtée 3

Share

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

Agunjíkpɔ́ntɔ́ ka ɖó ná nyí mɛɖé, bɔ è nǎ mɔ nǔɖé ɖɔ dó wú tɔn ǎ. Asi ɖokpó wɛ é ɖó ná ɖó; é ná nɔ wa nǔ ɖó jlɛ̌ jí; é ɖó ná nɔ ɖu ɖo éɖée jí; é ɖó ná ɖó walɔ ɖagbe; é ɖó ná nɔ yí mɛ ganjí; é ná nyí mɛɖé bó ná sixú kplɔ́n nǔ mɛ.

É ɖó ná kpé nukún dó xwé tɔn wú ganjí, bó ɖó gbe ɖo vǐ tɔn lɛ́ɛ jí, bɔ yě ná nɔ́ se tónú kpó sísí ɖaxó kpó.

Agunvíwú-kpénukúndótɔ́ ɔ́, así ɖokpó géé wɛ é ɖó ná ɖó; é ɖó ná hɛn vǐ tɔn lɛ́ɛ kpódó xwé tɔn kpó ganjí. Agunvíwú-kpénukúndótɔ́ e nɔ wa azɔ̌ yětɔn ganjí lɛ́ɛ ɔ́, tɛn ɖagbe wɛ yě nɔ mɔ; yě hɛn ɔ́, yě ná ɖɔ nǔɖiɖi e mǐ ɖó ɖo bǔ e mǐ ɖe xá Klísu Jezu ɔ́ mɛ ɔ́ sín xó kpódó jiɖiɖe kpó.