Popular Bible Verses from 1 Timɔtée 4

Share

Ma lɔn nú mɛɖé mɔ yɔkpɔ́vú towe, bó ɖó hwɛ nú we ó. Lo ɔ́, nyǐ kpɔ́ndéwú nú nǔɖitɔ́ lɛ́ɛ, bó nyí kpɔ́ndéwú ɖo xóɖiɖɔ mɛ, bó nyí kpɔ́ndéwú ɖo zǐnzán kpó wǎn yíyí kpó mɛ, bó nyí kpɔ́ndéwú ɖo nǔɖiɖi kpó gbɛ mímɛ́ e a nɔ zán ɔ́ kpó mɛ.

Agbaza mɛ gándídó ɔ́, nǔ ɖagbe wɛ; amɔ̌ nǔ kpɛɖé jɛ́n wɛ é nyɔ́ ná; ayi mɛ gándídó ɔ́ ka nyɔ́ nú nǔ lɛ́ɛ bǐ, ɖó é dó akpá nú mi ɖɔ mi ná mɔ gbɛ din tɔn, kpódó ée ja ɔ́ kpó.

Hɛn ayixa dó hwiɖée wú, bó hɛn ayixa dó nǔ e kplɔ́n mɛ wɛ a ɖe ɔ́ wú. Đǒ kan dó nǔ énɛ́ lɛ́ɛ bǐ wú; ɖó nú a ɖo nǔ wa gbɔn mɔ̌ wɛ ɔ́, a nǎ hwlɛ́n hwiɖée gán, bó ná hwlɛ́n mɛ e ɖo tó ɖó we wɛ lɛ́ɛ bǐ gán.

Yɛsinsɛn ɖésú ko ɖɔ céɖécéɖé ɖɔ azǎn gǔdo gúdo tɔn lɛ́ɛ mɛ ɔ́, mɛɖé lɛ́ɛ ná jó nǔɖiɖi dó, bó ná ɖótó yɛ e nɔ flú mɛ lɛ́ɛ kpódó yɛ nyanya lɛ́ɛ sín nǔkplɔ́nmɛ kpó.

Hɔn nú xlonɔ sín tan e kpi wɛ nyɔ̌ɖaxóví lɛ́ɛ nɔ ɖe, bɔ é ma sɔgbe xá nǔɖiɖi ɔ́ ǎ lɛ́ɛ é, bó kplɔ́n hwiɖée dó xɛsi ɖi nú Mawu lɔ jí.

Cóbónú un ná wá hǔn, ɖǒ kan dó Mawuxó xixa ɖo agun mɛ , kpódó Mawuxó ɖiɖɔ kpó wú, bó lɛ́ ɖó kan dó nǔkplɔ́nmɛ wú.