मिनु येसु ख्रीस्तम मुर आन कली गेशो गेय मार बाक्ब देंशा हना, का निक्शी आ सोइश्शो दुम्नीम, का निक्शी परमप्रभु यावे आ लोव़ पाइब दुम्नीम, का निक्शी ग्येरपाइक्ब लोव़ नेंपाइक्ब दुम्नीम, का निक्शी थमा सुइक्ब आन कली कोव़ब नु शेंब दुम्नीम। मेको गेय मार कली बाक्ब देंशा हना, परमप्रभु यावे आ मुर आन थमा सुइक्तीके बारपाइक्चा कली बाक्ब। थमा सुइक्ब आन ग्रुम्तीक, ख्रीस्त आ रां दुम्शा, मेकेर ङा मुर बोल्यो सेल्चा कली गेशो गेय बाक्ब। मोपा गो नेल्ल थमा सुइश्शा, का दुम्तीके परमप्रभु यावे आ तौ कली तुइक्ब दुम्नय। मिनु मोदेंशो पा गोपुकी आइक्च आल ममाइ, कोल्शा चोक्शो मुर दुम्शा, ख्रीस्त दोदेंशो बाक्मे, मोदेंशो दुम्नय।
