मिनु गोमी परमप्रभु यावे कली “इन शुश छेङछेङ नु सक्तिम, एफिसस ङा थमा सुइक्ब आन थुं बोल्यो सेलीन। मिनु इन सोक्त आन थुंमी बाक्मेनु, महिंब दुम्नीम। मोपा थमा सुइक्तीके ख्रीस्त मेको आन थुंमी बाक्ब। मिनु ‘येसु ख्रीस्तमी आं कली दाक्ब’ दे शाक्श ग्रुक्शो रवा खोदेंशो पा इन दाक्तीकेमी ख्रुम्शो मुरपुकी सेलीन। मो दुम्मेनु, मेकोपुकी नु नेल्ल थमा सुइक्बपुकीमी येसु ख्रीस्त आ मुर आन कली दाक्तीके गिश ब्रेम्शो, गिश दुइश्शो, गिश लाइश्शो नु गिश लुक्च लशो बाक्मे, मेको नेल्ल रुप्तीक थुं गेने। ख्रीस्त आ दाक्तीके गिश ठेयब बाक्बा, मेको रुप्ने मचाप्चा ङा बाक्त हना यो, मेको आन कली रुप्पतीन। मिनु परमप्रभु यावे, गे दोपा मारेइ मारेइमी गाप्शो बाक्नीनी, मोपा मेको आन कली यो इन सक्तिमी प्रिंदीन।
