Popular Bible Verses from Dagiti Salmo 143

Share

Sika ti Diosko; isuronak a mangaramid iti pagayatam. Naimbagka koma kaniak, ket iturongnak iti natalged a dalan.

Agtalekak kenka; binigat nga ipalagipmo kaniak ti di agbalbaliw nga ayatmo. Dumanon kenka dagiti kararagko; isurom kadi kaniak ti rumbeng a dalanko.

Kenka, O APO, kumamangak, pangngaasim kadi ta salaknibannak; ispalennak iti ima dagiti kabusorko.

Kas inkarim, O APO, isalakannak; gapu iti kinaimbagmo, ispalennak kadagiti pakariribukak.

Denggem, O APO, ti kararagko; ipangagmo toy asugko. Nalinteg ken mapagtalkanka; patgam ngarud ti dawatko kenka.

O APO, inka kadin ipangag ti dawatko; ti amin a namnamak napukawko. Dinak kadi ilemmengan amangan no maipadaak kadagiti bumaba iti lubong dagiti natay.

Malagipko dagiti naglabas nga aldaw, ut-utobek dagiti amin nga inaramidmo, ket dagiti amin a gapuanam adda iti panunotko.