O APO, umasugak kenka iti tulong.
Sika, O APO, ti salaknibko,
ditoy a biag sika laeng ti masapulko.

Ispalennak iti pakarigatak,
ket idaydayawkanto iti gimong dagiti tattaom,
agsipud ta naimbagka kaniak.

Ammona ti rumbeng nga aramidek,
no mapukawko ti namnamak.
Nangikabil dagiti kabusorko
iti pangsiloda kaniak.

Agdawatak iti tulong iti APO;
agpakpakaasiak kenkuana.

Ipangagmo koma ti asugko,
ta awanen a pulos ti namnamak.
Isalakannak kadagiti kabusorko
a napigpigsa nga adayo ngem siak.

Popular Bible Verses from Dagiti Salmo 142

Free Reading Plans and Devotionals related to Dagiti Salmo 142