Popular Bible Verses from Dagiti Proverbio 17

Share

Ipakita a kanayon ti maysa a gayyem ti panagayatna. Nayanak ti kabsat a tumulong iti tiempo ti rigat.

Agtalinaedka a naragsak no nasalun-atka. Main-inutka a matay no kanayon a nalidayka.

No tarigagayam a kayatdaka dagiti tattao, pakawanem ida no makabasolda kenka. No lagipem dagiti biddut ti maysa a tao, madadael ti panaggayyemyo.

Saan a kanayon nga agsao ti tao nga agtalek iti bagina. Ti tao nga agulimek adda naan-anay a sirmatana.

Ngamin, uray ti maag maibilang a masirib no agulimek ket saan nga agun-uni.

Nasaysayaat ti mangilabban a natalna ti panunotmo ngem ti makidaya iti balay a napno iti riribuk.

Ti panangrugi ti suppiat mayarig iti pannakaibuang ti danum ti tambak; sumardengka sakbay a dumakkel ti susik.

Agpada a kagura ti APO ti panangilunod iti awan basolna wenno ti panangipalubos nga agtuloy ti kinadakes.