Popular Bible Verses from Dagiti Proverbio 16

Share

Dawatem ti APO a bendisionanna dagiti kayatmo nga aramiden, ket agballigika iti panangibanagmo kadagiti panggepmo.

Sika ti agplano, ngem ti APO ti mangiturong kadagiti aramidmo.

Mayarig iti diro dagiti makaay-ayo a sao; nasam-it ti ramanna ket nasayaat iti salun-atmo.

Agplano ti tao, ngem ti Dios ti mangeddeng.

Nasaysayaat ti naanus ngem ti nabileg. Nasaysayaat a maiturayam ti bagim ngem ti iturayam ti entero a siudad.

Agturong ti kinatangsit iti pannakadadael ket ti kinapalangguad iti pannakatnag.

Nalabit nga ipagarupmo a husto ti amin nga aramidmo, ngem ti APO ti mangtingiting no ania ti panggepmo.

Ipangagmo ti maisursuro kenka ket agballigikanto. Agtalekka iti APO ket naragsakkanto.

Nasaysayaat ti bassit a matgedan a saan a sinaur ngem ti adu a saan a nalinteg ti pannakateggedna.

Adda dalan a kasla nalinteg iti imatang ti tao, ngem agturong iti patay.

Agiwaras dagiti managdakdakes iti parbo a sao; parnuayenda ti riribuk ket dadaelenda ti panaggagayyem.