Popular Bible Verses from Dagiti Proverbio 15

Share

No napakumbaba ti sungbat, sebsebanna ti pungtot; ngem no nagubsang, ad-adda a rubrobanna.

Ti panagbuteng iti APO maysa a kita ti sursuro. Masapul a napakumbabaka sakbay a mabalinmo ti umawat iti pammadayaw.

Biag ti yeg ti nasayaat a sao, ngem ti nagubsang a balikas buriborenna ti panunot.

Awatem ti amin a pammagbaga a mabalinmo a dawaten ket agballigikanto; no awan ti balakad awan banag ti panggepmo.

Naisem ti tao no naragsak, ngem nalidem ti rupana no naliday.

Makita ti APO ti mapaspasamak iti amin a lugar; sipsiputannatayo, dakes man wenno naimbag ti aramidentayo.

Nasaysayaat ti napanglaw nga adda panagbutengna iti APO ngem ti nabaknang nga adda parikut ti biagna.

Ti pungtot pataudenna ti riribuk, ngem ti anus yegna ti kappia.

Agpanunot nga umuna ti nalinteg a tao sakbay a sumungbat. Dagus a sumungbat ti managdakdakes ngem tumaud ti riribuk.