Popular Bible Verses from Dagiti Proverbio 12

Share

Ti danag ti mangikkat iti ragsak ti tao, ngem naimbag a sarita ti mangliwliwa kenkuana.

Ti tao a mangipateg iti sursuro kayatna a maibaga ti nagbiddutanna. Kinamaag ti manggura iti pannakaisuro.

Sumugat a kas natadem a kampilan ti nasakit a sao, ngem makapaimbag ti nasayaat a balikas.

Ipagarup ti maag a kanayon a husto ti aramidna, ngem ti masirib dumngeg iti pammagbaga.

No masair ti maag, dagdagusenna nga ipakita ti pannakasuronna. Saan nga ikaskaso ti natakneng ti pannakainsultona.

Ti naimbag nga asawa isu ti balangat ti lakayna. Ngem no mangyeg ti babai iti pakaibabainan ti asawana, mayarig iti kanser a mangrunot kadagiti tulang ti asawana.

Kagura ti APO dagiti naulbod, ngem kaay-ayona dagiti mangtungpal iti saoda.

Usigen ti nalinteg a tao ti ugalina, ngem mayaw-awan ti managdakdakes iti dalan.

Saan nga agpaut ti ulbod, ngem agtalinaed iti agnanayon ti pudno.