Popular Bible Verses from Dagiti Proverbio 11

Share

No managparaburka, rumang-ayka. Tulongam ti padam a tao ket tulongannaka met.

Adda tattao a managparabur ngem bumaknangda latta. Adda dagiti kirmet ngem ad-adda a pumanglawda.

Dandanin ti pannakaibabain dagiti natangsit. Nasaysayaat ti agpakumbaba.

Matnag ti maysa a nasion no awan ti mangidalan. Natalged no adu dagiti mammagbaga.

Biag ti ited ti kinalinteg, ngem babaen iti kinaranggas, maikkat ti biag.

Dimo mabalin nga italek ti maysa a palimed iti mannanao, ngem mabalinmo ti agtalek iti mapagtalkan a tao.

Pagimbagam met laeng no naasika, ta no naranggaska sika met la ti agsagaba.

Kasla bulbulong iti kalgaw a matnag dagiti tattao nga agtalek iti sanikuada, ngem rumangpaya dagiti nalinteg a kasla bulbulong iti tudtudo.

Iti aldaw a sumangoka ken patay, awan ti maitulong kenka ti kinabaknangmo, ngem ti kinalinteg ti mangispal iti biagmo.

No naimbagka a tao, maidalanka babaen iti kinataknengmo. Madadael dagiti saan a mapagtalkan babaen iti bukodda a kinakillo.

Ti kinapintas ti babai nga awan nakemna mayarig iti balitok a singsing iti subsob ti baboy.

Kagura ti APO dagiti tattao nga agusar kadagiti saur a pagtimbangan. Pagragsakanna ketdi ti umno a pagtimbangan.