Popular Bible Verses from Dagiti Proverbio 13

Share

Makikaduaka kadagiti masirib ket agbalinka met a masirib. Makigayyemka kadagiti maag ket madadaelka.

Annadam ti saom tapno masalakniban ti biagmo. Ti tao a dina panunoten nga umuna ti sawenna, dadaelenna ti mismo a bagina.

No dimo dusaen ti anakmo, dimo ay-ayaten. No ay-ayatem, disiplinaam.

No madadael ti namnama, madadael met ti rikna, ngem ti pumudno a tarigagay, punnoennaka iti rag-o.

Ti kinalinteg salaknibanna ti awan basolna. Ti kinadakes ti puon ti pakatnagan dagiti managbasol.

No nalaka ti pananggun-odmo iti kinabaknangmo, mabiit met a mapukaw. No nagrigatam ti sanikuam, manayonanto.

Riribuk laeng ti patauden ti kinatangsit. Naim-imbag ti pabagbagaan.

Addanto kinabaknang ti naimbag a tao nga ipatawidna kadagiti appokona, ngem mapan kadagiti nalinteg ti kinabaknang dagiti managbasol.

No masirib ti anak, dumngeg no babalawen ti amana a kas pangisurona kenkuana. Ngem pulos a saan nga awaten ti natangsit ti biddutna.

Ti tao a dina kayat ti paisuro pumanglaw ken maibabain. Mararaem ti tao a dumngeg iti pammabalaw ket ibilangna a pangisuro kenkuana.