Popular Bible Verses from Dagiti Proverbio 10

Share

Ti bendision ti APO pabaknangenna ti maysa a tao. Mabalin a saan a manayonan ti kinabaknangna iti kinagagetna unay.

No saoka la a sao, dakdakkel ti gundawaymo nga agbasol. No masiribka, agulimekka.

Riribuk ti patauden ti gura, ngem abbongan ti ayat ti amin a biddut.

No nasadutka, pumanglawka, ngem no nagagetka, bumaknangka.

Agbiag ti tao a mangipangag iti panangisuro, ngem agpeggad ti tao a di mangawat iti biddutna.

Natalged ken awan pakaan-anoan ti naimbag a tao, ngem matiliwto dagiti nakillo.

Agbutengka iti APO ket umatiddog ti biagmo, ngem ababa ti biag dagiti managdakdakes.

Saan nga ipalubos ti APO a mabisinan ti nalinteg a tao, ngem dina ipalubos a magun-od ti dakes a tao ti tarigagayanna.

No dumteng ti bagio, mapukaw dagiti managdakdakes, ngem kanayon a natalged ti nalinteg a tao.