Popular Bible Verses from Isaias 40

Share

Papigsaenna dagiti nakapuy ken nabannog.

Uray dagiti agkabannuag kumapsutda, ket dagiti agtutubo mapaksuyanda. Ngem dagiti agpannuray iti APO mapabaronto ti pigsada. Agtayabdanto a kasla iti agila; saandanto a mabannog no agtarayda, saandanto a kumapsut no magnada.

Diyo kadi ammo? Diyo aya nadamag? Ti APO ti agnanayon a Dios; pinarsuana ti entero a lubong. Pulos a di mabannog wenno kumapsut; awan makatukod iti pampanunotenna.

Adda timek a mangipukpukkaw: “Iti let-ang, mangisaganakay iti dalan ti APO! Dalusanyo ti dalan iti let-ang a pagnaan ti Diostayo!

Wen, magango ti ruot ken malaylay ti sabong, ngem mataginayon ti sao ti Diostayo!”

Maiparangarangto ti dayag ti APO, ket makitanto ti amin a tattao. Ti APO a mismo ti nangikari iti daytoy.”

Gaburanyo dagiti amin a tanap; palanasenyo amin a bambantay. Pagbalinenyo a patad dagiti turod, palantagenyo dagiti lasonglasong a lugar.

Aywanannanto ti arbanna a kas iti agpaspastor iti animalna. Ummongennanto dagiti urbon ti karnero ket sakruyenna ida; siaanusto a mangidalan kadagiti innada.

Tumangadkayo iti tangatang! Siasino ti nangparsua kadagiti bituen a makitayo? Ti mangidalan kadakuada a kasla armada, ammona no mano ti bilangda, ket awaganna ti nagan ti tunggal maysa! Dakkel unay ti bileg ken pannakabalinna, awan ti mapukaw uray maysa kadakuada!

Pinarsua ti agtugtugaw iti tronona iti ngatoen ti timbukel ti daga; kasla dudon ti kababassit dagiti tattao iti baba! Inukradna ti langit a kas iti kurtina, kas iti tolda a pagnaedan.

Paregtaenyo dagiti tattao ti Jerusalem. Ibagayo kadakuada nga umdasen ti nabayag a panagsagsagabada, ket napakawanen dagiti basbasolda. Naan-anay ti panangdusak kadakuada gapu kadagiti amin a basolda.”

Adda timek a mangipukkaw, “Ipakaammom!” Saludsodek: “Ania ti ipakaammok?” “Ipakaammom a mayarig iti ruot ti amin a tao, agpautda a kas iti balang a sabong. Magango ti ruot, malaylay ti sabong no dalapusen ida ti angin nga ibaon ni Yahweh. Kinapudnona, mayarig laeng ti tao iti ruot.

Umay ni Apo DIOS tapno agturay iti amin a bilegna, itugotna dagiti tattao nga insalakanna.

“Liwliwaenyo dagiti tattaok,” kuna ti Diostayo. “Wen, liwliwaenyo ida.

Adda kadi makasukat iti linaon ti taaw kadagiti dakulapna wenno makarukod iti langit babaen iti panangdanganna? Adda aya makaikarga iti amin a daga iti maysa a tasa wenno makatimbang kadagiti bantay ken turod? Adda kadi makaibaga iti APO iti aramidenna? Adda kadi makaisuro wenno makabalakad kenkuana? Siasino ti nakiumanan ti Dios tapno maaddaan iti lawag? Siasino ti nangisuro kenkuana iti pudno a dalan? Siasino ti nakaadalanna iti wagas ti pannakaawat?