Popular Bible Verses from Songs 90

Share

So den, help us guys fo know How much time we get fo real kine. Dass how we goin come mo smart Fo know wat fo do erytime.

Eh God! You da Boss fo us guys! We like you make real nice To us guys! Da work us do, Make um come out good. Az right, make all dat work we do Come out good!

Ery day wen da sun come up, Let us guys know fo shua Dat you stay tight wit us! Den, all da time we goin live, We goin yell cuz we feel good inside.

Befo had mountains, Befo you make da world An all da diffren lands, Befo had time even, You stay God fo real kine. An you goin stay God foeva!

Eh Boss! From oua ancesta guys time till now, You jalike oua home!

Da way you see um, tousan year pass Jalike was yestaday, Jalike couple hours nite time.