Popular Bible Verses from Songs 91

Share

I tell dis bout Da One In Charge: “Him, he jalike one strong wall Dat no let notting hurt me. He da God fo me. I trus him.”

Da God Dass Mo Importan Den All Da Odda Gods, He stay hide you Inside his secret place. Cuz he Da God Dat Get All Da Powa, He let you stay wit him Fo no mo notting hurt you.

Any time he get trouble, He can yell to me Da One In Charge fo help him. I goin lissen him, I goin be dea Fo make shua notting hurt him, An I goin make shua erybody know he importan.

God, he goin tell His angel messenja guys Fo take kea you ery place you go.

He goin make shua notting go afta you Jalike da muddah bird Hide da small bird unda her wing. You can trus him! Dass why he stay jalike one shield O one wall fo proteck you.

You tell, “Eh! You Da One In Charge! You jalike da safe place wea I hide So notting goin hurt me!” Da God Dass Mo Importan Den All Da Odda Gods, You live wit him fo proteck you. Cuz a dat, no goin get Notting bad happen to you. No mo notting bad Goin come nea wea you live.

Da One In Charge Goin get you outa trouble. He no goin let da trap catch you. He no goin let da plague kill you.

Notting bad goin happen to you, No matta tousan peopo mahke One side a you An mo den ten tousan peopo Da odda side.

You, you no need come sked Dat somebody goin attack you Nite time, O dat one arrow goin hit you Day time. You no need tink, “Bumbye dark time, Da plague goin kill me! Bumbye noon time, Some bad spirit goin wipe me out!”