Popular Bible Verses from Songs 89

Share

Eh! You Da One In Charge! Da peopo dat wen learn How fo tell dat you da bestes, Dey can stay good inside fo real kine. Ery place dey go, You show um wat fo do, Cuz you stay wit um, Jalike you da light fo dem.

You get da right fo stay in charge Cuz you da king, Cuz you erytime do da right ting An you fair wit erybody. Wit you, erybody know You stay tight wit yoa peopo, An wateva you tell you goin do, You do um erytime.

Eh! You Da One In Charge! From now an foeva, I goin sing Bout how you stay tight Wit yoa peopo. I goin sing fo da peopo Dat goin come bumbye, Fo make shua dey goin know Fo trus you erytime Fo do wat you tell you goin do.

Eh! You Da One In Charge, You da God Ova All Da Armies. No mo anodda god Dass strong jalike you! Erybody know fo trus you bout eryting Cuz you erytime do Wat you tell you goin do.