Popular Bible Verses from Smart Guys 21

Share

Whoeva go all out fo come Da kine guy dat do wass right erytime, An dat stay tight wit his ohana, Long time he goin live, An peopo goin do good tings fo him, An show um choke respeck.

If get peopo dat work hard, an dat no bodda dem, Den, wen dey make one plan how dey goin work, Fo shua dey goin come rich. But da ones dat like come rich fas, Fo shua dey goin come pooa.

Whoeva take kea wat come outa dea mout wen dey tell, Big kine trouble no goin come to dem.

Peopo tink wateva dey do, stay right. But Da One In Charge, he da One know wat dey tink.

You can make yoa horse ready fo da war, But Da One In Charge, Him da One can make you da winna.

Wen us guys stay do wass right An judge da right way, Da One In Charge tink az mo betta Den jus fo make one sacrifice.

No matta you know wat fo do erytime, No matta you undastan eryting, No matta you make one plan, Wen you go agains Da One In Charge, Notting goin happen!

Wen peopo yell fo help cuz dey need someting, An you make deaf ear, Goin be same same fo you. Wen you yell fo help, Nobody goin lissen you!